Vocal quality caah point 20, song choice 10, uniqueness 10, stage performance 5, fashion & confidence 5, mood 5, lyric & pronunciation 10, pitch 5, timing 5, audience response 5 tiin final rounds ah cun mark pek a si. Judge pakhat nih point 32 in 35 kar an ngei.
English hla an sak lio kha Ngunzavum biafang a philh nain lyric lawng ah point 2 a zor. Tuzaan kha Par Tin Tlem hla biafang a philh ve, nain lyric lawng ah a mark a zor ve. Point 100 ah judge hna nih point 91 an pek thiamthiam.
Siibawi doctor cawnnak kaltak in hlasak lei ai mermi Joseph, thazaang petu tam taktak a ngeimi fashion king Napo Leon, mi lungthin a hninh dih khotu Vanmalnei le kum 15 lawng a si nain a aw power a tha hringhranmi Partintlem hna hi an dihlak in winner caah an i tlak dih ko tiah ka ruah.
Kan rule ning tein mark sang bik kha winner a si te lai. Aho dah winner caah nan zumh cio ve? A tang ah hin Chin Star Final round zan i Par Tin Tlem nih “LUNG TLING TEIN KA DAWT MANGTHA” timi hla a sak nak video ka thil chih rak ngai ve hmanh a thiam bak ko. A mah hi Chin Star Winner ding ahcun aitlak bik si ko.