Sagaing ramṭhen, Pale peng, Zeehpyukone khua ah ummi Pyusawhti ralhrang sakhan pakhat cu PDF ṭangṭi phufonh nih hriamngan hna in an kah, tiah Chindwin Toe Na Yar PDF in ṭuanvo ngeitu pakhat nih a chim.
May ni 2, zinglei suimilam 5:30 tluk in suimilam 7:00 tiang PDF ṭangṭi phufonh nih 60MM, 80MM, 90MM hriamngan hna hmang in an kah i, SAC ralhrang le Pyusawhti ralhrang thimi kong ah thawngfiang kan theikho rih lo, tiah an langhter.
“pyusawhti ralhrang sakhan kan va kah nain anmah lei thimi kong ah thawngfiang kan theikho rih lo, PDF ṭangṭi phufonh in hliamhma tuarmi umlo tein hnulei kan tolh ṭhan kho” tiah Chindwin Toe Na Yar PDF in ṭuanvo ngeitu pakhat nih a chim.
Cu kahdohnak cu Chindwin Toe Na Yar PDF, Mandalay pengkomh Ṭet-khuai 4, Myanmar National Armed Force, Golden star Force, Real Hero, Chindwin Revolutionary Fighter le ṭangṭi phufonh hna kan si, tiah Khit Thit ah an langhter chih. Lungmili Post