Western Asia , United Arab Emirates he ramri a simi Oman mascut khua ah riantuan in a hlawhmi laimi nu Bawihmen cu a riantuan nak an pu le he lung i hmuhthiam lonak a um ruang ah rianngeitu hna nih a kut an thlak hnawh theih a si. Lai nu nih cun tlung a duh Kong cu an pu le sin ah a chim ko nain tlunnak ticket le passport zong an pe duh lo.
Bawihnem nih a chim dan cun ” rianngeitu hna he tlamtling lo ruang ah ka cung ah kut an ka thlak , tlun ka duh ka ti hna i ticket nangmah tein i cawk an ka ti , keimah tein ka cawk lai ka ti ah le Passport an ka pe duh fawn lo , a hnu deuh ah le ticket cawknak ding cu tangka cawi law an ti than , riantuan loin thla hnih fai ka um cang tlunnak ding ah passport le tangka zong ka ngei ti lo tiah a chim .
Oman ram ah cun riantuan tu hna kutthlak an ton a si ah cun kutthlak a tongmi hna tlungkalnak hna cu kuttlak tu hna nih Liam dih a si tiah a chim zong Kan theih fawn. Myanmar lei a ummi Agency zong ralkap nih a inn an check langmang ruang ah a tlizaam i pehtlaih khawh a si lo .Oman i a ummi Agency nih le rianngeitu hna lei ah a tan caah Bawihnem caah lam a pih khun ko .
Bawihnem nih a chim dan cun Oman lei i a ummi Agency nih a chim mi bia hna cu a dang langmang, Kan riantuannak rianngeitu hna he hin an tangti i tihin an ka tuah to hi a si lai , Oman ram i a ummi Agency pa cu mirang holh a thiam fawn lo , Arabic holh lawng a thiam fawn .Midang zong nih agency pa i mi hlen hmang a si tiah an chim tawn tiah Bawihnem sin in theih a si .
Agency pa nih cun Bawihnem cu na riantuannak rianngeitu hna nih passport le ticket an in pek lai a ti i airport ah bawihnem cu a va chiah saupi a hngah hna hnu ah rianngeitu hna cu an ra bal ti lo i Palik bawmh a hal hna hnu ah phone a chawnh hna rianngeitu hna nih cun” Kan ra lai lo ticket zong Kan caw lai lo tiah an rak leh , cu hnu ah cun palik nih cun an office ah zaankhat an riah ter hnu ah a dang office ah an thial than , cu hnu ah cun Agency pa cu a rak phan palik he bia an i ruah Arabic holh in an holh caah zeitin bia an i ruah mi a si cu ka theih lo
Mah cu tlawmpel ah cun Bawihnem cu palik nih bia an hal ve thilsi ning a chimh dih hna hnu ah palik nih cun na rianngeitu he bia Kan i ceih hna lai i a tlamtlin hnu ah na agency pa nih vanlawng ticket a cawk lai i na tlung te lai tiah an ti , sinain thlahnih deng a rau hnu tiang ah ticket zong cawk piak a ton lo pinah passport zong an pe than ti lo cu Bawihnem sin in theih a si .
A tu Lio ah hin Bawihnem cu har a tong ngai ngai ko Oman ram, Dubai ram le a dang ram i a um mi Chinmi ( Laimi ) hna zong nih bawmhchanhnak pek ding in Kan in nawl chih fawn hna. Pehtlaihnak: Whatsapp – +96897705688