Min Aung Hlaing te phu thil tuah le cawlcangh fih a hei nung khawh ning: Nyaungdon Khua Ah Myanmar Beer A Zuar Lo Mi Zuu Dawr Paoh Sing 10 Nak Tlawmlo Dan An Tat Hna.
Ayerawaddy ramthen Nyaungdon peng chungah SAC ralhrang chuah mi Myanmar Beer a zuar lo mi dawr 30 leng hna cu penguk zung le sipin zung rianṭuan tu hna nih sing 10 nak tlawm lo dan an tat hna tiah dawr ngeitu hna nih an chim.
September 8 zanlei sang ah Nyaungdon khua sangthen (6) le sangthen (telh in sang dang le khuate Zuu dawr hna ah check hlatnak an tuah hna hi a si.
“Penguk zung le sipin zung rianṭuan hna nih rawldawr le zuu dawr 30 leng ah Myanmar Beer an zuar le zuar lo an check hna. An zuar lo nak dawr paoh cu rihhaisii upa ningin taza kan in cuai hna lai tiin an hrocer hna pin ah dawrkhat ah sing 10 tluk dan an tat hna” tiah a cunglei Dawrngei tu pakhat nih a chim.
Aluan cia June thla lio zong ah Nyaungdon khua chungah a tubantuk in ralhrang, penguk zung le sipin hna nih an rak check hna i Myanmar Beer a zuar lo mi dawr paoh sing 6 nak tlawmlo dan an rak tat hna tiah theih a si. Lungmili Post