Nupi Fim Le Pasal Fim. (1) Nupi fim nih cun a Pasal a tihzah in a upat taktak tawn i Pasal fim nih cun a Nupi zawn a ruat i asi khawh tawk pinlei tiangin a dawt
(2) Nupi fim nih cun a Pasal a fak tawn i Pasal fim nih cun a Nupi sunglawi ning a chim tawn
(3) Nupi fim nih cun a Pasal a mualphoter bal lo. Pasal fim nih cun a Nupi a tuahto bal ve loh
(4) Nupi fim nih cun a Pasal hrangah mehthaw le buhthaw a chuan piak tawn i,Pasal fim nih cun a innchungkhar hrangah zumhawktlak tein rian a tuan tawn
(5) Nupi fim nih cun a Pasal rian lawi lai ai hngahhlang tuknak langhter buin a rak don tawn i Pasal fim nih cun a caan hmaan te ah a lawi tawn i, A Nupi le fale sinah caan hmaan tih nuamh a tinak a langhter ve tawn
(6) Nupi fim nih cun fale thianghlim tein kholhtawl tawn i, Pasal fim nih cun a Nupi le fale hrangah herh baaumi thil tuaktaan piaknak a ngei tawn
(7) Nupi fim nih cun a fale home-work lektier a tuahpi tawn i, Pasal fim nih cun inn lei hnawkhnai tuan ding a kawl ve tawn.
(8) Nupi fim nih cun a Pasal ruahnak a hal tawn i, Pasal fim nih cun a innchungkhar caah thiltha tuahpiak nuam a ti peng
(9) Nupi fim nih cun misifak le mirum thleidannak ngei loin a ruangmi lungput he khuasak nuam a ti tawn i, Pasal fim nih cun biadik le biatak lawnglawng a tanh tawn.
(10) Nupi fim nih cun midang nakin a Pasal cu cungcuang mi ah chiahzia a thiam tawn i, Pasal fim nih cun a Nupi lawnglawng cu a biapi bik ah a ruat tawn.
(11) Nupi fim nih cun a Pasal lungtuai kho dingmi biathli thup a ngei bal lo i, Pasal fim nih cun a Nupi caah zumhawktlak bikmi si aa zuam ve tawn.
(12) Nupi fim nih cun a Pasal poiherh cawkpiak duhnak a langhter thiam tawn i, Pasal fim nih cun na herhmi i cawk hmaisat aw tiah a kianh tawn.
(13) Nupi fim nih cun a Pasal dawt nuam a ti tawn i, Pasal fim nih cun a Nupi caah thilfate tiangin tuahpiak duh lonak zenhmi a ngei tawn lo
(14) Nupi fim nih cun chawva kenkawi ningcang a tuaktaan tawn i, Pasal fim nih cun a innchungkhar caah nuam dirh aa Tim tawn
(15) Nupi fim nih cun a tonmi thil paoh a Pasal sinah a chim tawn i, Pasal fim nih cun a theihthiampiak ve tawn caah lum tein a zithmuih tawn
(16) Nupi fim nih cun a Pasal cungah holh tam lo ai cuh deuh i, Pasal fim nih cun a sungmi si aa nautat bal theng loh
(17) Nupi fim nih cun mah le dirhmun he ai tlakin hnipuuan hrukeih ning a thiam tawn i, Pasal fim nih cun tihzah upat tein midang chawnhbiak ning a thiam ve tawn
(18) Nupi fim nih cun zapi tonnak ah midang nakin thadi le zaangbaat ai thim deuh tawn i,Pasal fim nih cun midang bawmhherhmi zuanhnawh nuam a ti tawn
(19) Nupi fim nih cun a Pasal theih piin zeipaoh a tuah tawn i,
Pasal fim nih cun a Nupi thiltuahmi cungah a ce kha tuk bal loh
(20) Nupi fim nih cun a Pasal cu biaruah ning a thiam tawn i, Pasal fim nih cun tangdor tein lungsaunak he a ngeih piak tawn. Note: Nupi nih a Pasal tihzah upat sehlaw, Pasal nih a Nupi dawt nuam tih ko seh.