Malaysia a ummi miphun hawi hna, hro cer le tlaih khih nan ton lengmang nak hnga lo nan um kalnak ah i ralring peng u. Kei hi nusal pei ka si cu tiin ttihmi ka rak i ngeihter duh lo.
Inn um buin harnak ton khawh si ko ti phun khin ka um kalnak kongah ttih timi ak rak ngei lo. Ka duh mi kongah thloh khawh zong ka rak si lo. Mirang ca cawn duh ah kota raya khi zarhfatin zinglei 6 am cun ka phan peng.
Puchong in siangin ka kai i. Keimah nu ka si nain, misual nih an ka dawi caan, palik nih an ka hro caan. Oparasi nih kan inn an den caan, a voi hi a rak tam.
Ka ngakchiat lio a si caah ka in khawh tiin kaa ruah. Cuti cun zarh fatin ngawt aa peh lengmang tikah ka launak le ka ttihphannak vialte cu kum tampi hnu ah ka thluak a ka hnursuangtu ah a cang beh (traumatised ).
Voi khat hoi hna cu tuluk pa nih mawttaw in a ka dawi i “A moi, masuk disini” a ti i lung tum kai lak le ka rak cheh hnik. Kum 15 lawng ka rak si. Lai holh bak in “Na z”””””g luuu” ka rak ti i ka rak zam chih. Ka sianginn ka phak bakin heh ka rak ṭap. Tlaih hrem le tlaih khih a tamnak ah ka ral a rak ṭha tuk sual.
Australia ah ka phan i ram him tuk nak ka um ko nain hlan lio ka tuarmi le ka ṭih phannak vialte, an rak ka hro cernak pawl kha a tlau ti lo. Thin hun dan zong ka thiam ti lo, ka thin a tawi cang, ka tuar ning (emotion) kha ka uk (control) kho ti lo. Ka ttih a fawi. Ka ngaihchiat a fawi. Ka thluak le ka thinlung ngandamnak a hnursuan dih.
Palik ka hmuh hna zongah sau tuk hi ka ttih hna. Malaysia ka um lio ahhin pa ai vuami zoh ka rak zuam tuk. Puai a um paoh ah tlangval ai vuami zoh khi nuam ka rak ti. Atu ahcun ka pawngah mi an i vuak ahcun ka ṭap cang.
Ka ṭihnak ruangah ka thir dih ka kik dih. Cu tluk cun a ka hnursuan. Cucaah ka dawtmi miphun hna, Malaysia nan um tikah i ralring tein nun i zuam u law Pathian nih in veng ko hna seh.