Thaizing (Wednesday- 21 June, 2023) ahhin Nungak kum 23 lawng asimi Ms. Lily Thai cu amah lung tho sibawi te nih IV an rawnh lai i second 10 chungah a thi cang lai.
Nunnak hi Pathian ta asi i mah le mah i thah pek, mi va thah pek, Khrihfami nih fak piin kan cohlan khawh lomi a si. Nain- Australia state cozah pawl nih, a dam kho ti lo dingmi minung pawl caah anmah duh thim tein nunnak donghternak nawl an pek hna. Cucu “Voluntary Assisted Dying” tiah an ti.
Ms. Lily Thai cu Adelaide khua ummi a si i Ehlers Danlos Syndrome (EDS) zawtnak a ngeimi a si. A ti khawh tawk tein aa tlop sek len. Kum 21 a si lio ah Sydney i skin surgeon tiang va fuh in aa thlop ko nain a dam kho ding a si ti lo.
Cucaah kan hnu zarh ahkhan a nunnak dihter dingah min a thut. Cucaah thaizing hi sibawi te nih thihsi an IV an rawnh cang lai i a thi cang lai.
Atu hrawng cu a sahlawh rualchan, a hawi le pawl kha kuttlaih, mangtha cah in a caan a hmang tam an ti. Cun a ruak vuinak ding vialte zong kha a tuaktan ta i a khan ta dih.
Bia a cahtak mi hna cu ka ruak cungah pangpar rak chia hlah uh. Pangpar nan chiah dingmi a dih ding kha The Hospital Research Foundation” ah keimah philh lonak ah ra hlu cio uh tiah a cah tak hna.
A chimmi cu, “Fahnak ka ing ti lai lo, fahnak intuarnak vialte caan saupi ka tuarmi chungin ka luat cang lai.”] tiah a chim. Damh khawh ti lomi zawtnak ngeih tikah mah lunglting tein nunnak i laknak phung hi Australia ah Khrihfa biaknak lei in biatak tein rak doh a si nain san a tlai lo.
Nunnak hi a caan ah a har ko lai. Nain, thihnak nunnak cu Pathian kut ah a ummi a si. Paul nih a rak chimmi cu, “Nunnak hi ka caah zeidah a si? Kei ka caah cun nunnak cu Khrih a si ko. Cucaah thihnak nih hin a ṭha deuh chinchinmi thil hmanh a chuahpi lai.”(Filipi 1:21)
Asinain ka nun ko rih i cu ka nun ruang i thil ṭha tam deuh ka tuah khawh ding a si ahcun, a zei cu dik kaa thim deuh hnga, ka hngal lo.Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si.
24asinain ka nun rih cu nanmah ruangah a herh deuh rih fawn. ( Filipi 1:22 -24). Nangtah Thaizing hi ka nunnak a dih cang lai ti i thei law, zeitindah kan um ve hnga? Mang Hre Sangkim