American – South Korea ram hnih fonh ralkap training tuahnak cu North Korea nih lehrulhnak ka tuah hna lai tiah a chim. A ralaimi zarh March thla 13 ah tuah dingmi American – South Korea ram hnih fonh ralkap training ngeih ding mi cu North Korea President Kim Jong Un far nu nih lehrulh nak kan tuah hna lai tiah a chim.
Kim Jong Un far nih Kim Yo-jung nih North Korea nih a ngeihmi Media KCNA ah ralrinnak a chim kong theih a si, ramhnih training an tuah ding mi kong ah rianrang in lehrulhnak tuah ding in timh cia kan si tiah a chim.
March 13 ah an tuah ding mi American le South Korea ram hnih fonh training tuah ding mi hi a tam ngaimi ralkap phun fonh an si lai kong zong theih asi, mah cu training an tuahnak cu Kan in zoh peng hna lai tiah North Korea nih cun a chim.
Pacific hmun hma hna hi American le Japan nih an ngeih mi a si lo bantukin North Korea nih hriamnam kan testnak ah lehrulhnak a kan tuah a si ah cun raltuk sawmnak bantuk ah kan ruah lai tiah an chim fawn.
Rampi nih biakhiahnak a tuah bantukin zeitik caan paoh ah timh cia tein le rianrang in rian tuan ding ah kan I ready sa peng tiah an langhter. American thiltuahmi hna hi lehrulh ding in North Korea nih Pacific rili pi cu hriamnam kahnak ah kan hmanh khawh tiah Kim Yo-jung nih a langhter fawn. LCBN