1.Eve nih ei loding thingthei a zoh i a ei caah vawlei mi vialte sual ah a kan tluk pi (Gen.3:6,20).
2.Lot nih zohlo dingmi hnulei a ZOH caah cite tungah a cang (Gen.19:26).
3.David nih mi nupi a ZOH peng caah sual ah a tlu (2Samuel 11:2-4).
NIHIN kan Vawlei
Voikhat cu khua pakhat ah chungkhar hna inn ka phan. “Nan dam tha hna maw?”ka ti. An pa nih,” kan dam ko nain, kan dam loh”a ti.”Zeitin ?”ka ti.” PHONE ruangah kan buaidih ko hme hi” a ti.
PHONE – Phone – Phone. A hman a thiam lomi caah cun:
1.Bible zoh hnak in Phone zoh kan duh deuh.
2.Thlacam hnak in Phone zoh kan duh deuh.
3.Chungkhar thlacam pumh nakin Phone zoh kan duh deuh.
4.Biakinn chung tiangah Phone kan dek.
5.Meeting chung zongah Phone kan dek.
6.Mileng ngeih lio hmanh ah Phone deh buin kan kan chonh hna.
7. Kan fale nih an cawnmi caa zoh hnak in Phone zoh an duh deuh.
8.Sianginn chung tiangah Phone an dek.
9.Zaan hngilh caan ruat tilo in ttim le dei tiang puan tangah Phone an dek.
10.Riantuan fial khawh tilo tiangin Phone an dek.
11.Sianginn khar caan hmanh ah chun nitlak ihnak khaan ah Phone an dek.
12.Phone zoh tuk ruangah mit rawkmi an tam.
13.Phone chung thil thalo zoh tuk ruangah lung zawtnak le zawtnak phunphun a ngeimi an tam.
14.Phone zoh tuk ruangah lungthin hmaan tilo in a vakmi, siizung le mihrut zohkhenhnak hmun ah a phami an tam.
15.Phone chung Facebook in nungak le tlangval ihelh in a pingpang a tongmi an tam.
16.Phone chungin patung pipi le nutung pipi hmanh ai helhmi an tam.Cucaah chungkhar an buai.
17.Phone chung hmanthlak zoh tuk ruangah mah sining tawk ruat tilo in thinlung rawk mi an tam.
18.Phone chungin i ngiarnak, i siiknak, hmual i phohnak a tam.
19.Phone i chekpiaknak ruangah tlaihkhih a tam.
20.Phone i firpiak ruangah buainak a tam.
21.Phone phaisa ruangah chungkhar ah buainak a chuak.
22.Phone cawk i hauh ruangah chungkhar ah buainak a chuak.
23.Lihchim Media hna ruangah thil pingpang tamtuk a chuak.
24.Phone in a thlite in siseh, langhngan in siseh aw i lakpiak, hman i thlakpiak ruangah thil thalo tampi le buainak tampi a chuak.
25.Pathian he mi a hlaatter tuk.
26.Rak peh thluahmah cio ko uh.
Cucaah, vawlei cung ral tampi lak ah NIHIN kan RAL tihnung cu nifa chunzan kan deh (kan zoh) pengmi kan kutte he then kan sian bak lomi kan PHONE te hi an si ko.Catialtu: Rev J.No Mang