Nihin 20 March 2023 Ni Ah Hin Chin Miphun Nih Pathian Sinah Thlacamnak In Caan Hmang Cio Hna Usih. Nihin 20 March 2023, ni hi Chin National Army (Chin Pasalttha) hna nih Chinram le Chin miphun caah dothlennak an tuah ni campha a si.
Kum 35 a tling cang i hi kum 35 chung ah hin Chin pasalttha le nusalttha tampi nih Chinram le Chin miphun caah an nunnak a liam cang i,zeimawzat kut-ke tlinglo le pumtlam tlinglo in an um cang.
Hi ni le hi caan kan phanh mi hi a sawsawh in kan hman hna awk a si lo.Khua hi faak chinchin in kan ruah i cuhlannak faak deuh in kan thazaang le kan chawva kan chuah caan a si.Cuhlan i dothlennak an rak tuah mi kha a tuahtu hna upat peek loawk an ttha lo,Miphun le ram an dawtnak cu an tuahttuannak in a lang mi a si.
Cuhlan i kum 35 dothlennak kan kalpi mi cu IT chan ah hin cun 3 or kum 5 ah kan dihter khawh mi a si.Asullam cu,”A liam cia kum zeimawzat ah khan cun mipi sinah thawngpaang i thanhnak a rak ttha lo i mipi thinlung ah ttihphannak lawngte in a rak khat.Cuhlan ahcun hriamnaam i zalhnak dingah bawmtu kan rak ngei lo.
Atu ahcun Pathian nih kan miphun lila kha Chin pasalttha hna nih an herh mi bawmchantu dingah ram ttha ah tampi a kalter chung cang hna.Cuhlan ahcun ralkap tlawmte lawng kan rak ngei,asinain a tu ahcun Chin mino paoh kha Chin ralkap an si cang,Cuhlan ahcun Chin mino hna fimnak nih ral teinak tiang hmuhpi khawhnak a um lo.
A tu ahcun Mino hna nih kan herh mi serchuah khawhnak tiang fiimnak an ngei cang.Cucaah cuhlan i kum 35 kan rauh mi kha a tu ahcun kum 3 or kum 5 ah kan dothlennak cu kan tei i kan dihter khawh cang lai ti hi a si.Kailawm.TDT