Kum 40 nu, pawpi cancer in a thimi designer, caṭialtu minthang le mirum ngai asimi, Crisda Rodriguez nu hi
1) Motor man fak taktakmi a garage chung ah a ngei nain atucu wheelchair cungah a kal cang.
2) Thilpuan ṭha/dawh, phanah, thil man fak le ṭamhnak phunkip a ngei i a zuar nain atucu siizung nih an pekmi thilpuan te lawng aa hruk kho cang.
3) A bank ah phaisa tampi a ngei nain a tucu a phaisa nih damnak le nunnak a bawm kho tilo.
4) A inn cu mitampi party an tuahnak le an ihawikomhnak a rak si nain a tucu ihkhun pahnih te lawng siizung ah a um cang.
5) Hotel min ngei, five star hotel in five star hotel ah aa ṭhial nain atucu siizung ah lab pakhat in lab pakhat ah aa ṭhial cang.
6) Minung, a fans tampi min a rak thut piak lengmang hna nain atucu medical records ah a minthutnak lawngte a um cang.
7) A sam a mettu dingah minung pasarih a rak ngei nain a tucu a lu ah sam a um tilo.
8)Private jet a ngei i a duhnak hmun kip ah a kal kho nain atucu siizung chung a kalnak dingah bawmtu minung a herh cang.
9) Rawl thaw le dinmi phunkip, ramkip rawl phunphun le manfakmi a rak ei kho nain atucu nikhat ah sii tlang hnih le salt water tlawmpal te lawng a din khawh cang.
A ngeihmi chawva, thilri, thilphuan, aa dawhnak, a fimthiamnak le a minthannak vialte hna cu zawtnak nih a phak tikah santlaihnak pakhat hmanh an ngei tilo i a caah bawmtu an si kho tilo. Crd: online
Ngandam hi Bawipa thluachuah taktak asi. Rianṭuan khawhnak thazaang nifatin kan ngeihmi hna hi Bawipa thluachuah an si. Bawipa cungah ilawm in thangṭhat zungzal hna usih!
Ngandammi kan si khawhnak hnga kanmah lei zong nih eidin, kan awr duhnak hna hi kan isum a rak herh ve; fak tukin rianṭuan awk hna hi a rak silo; mitkuh cimtein phone deh tuk loin ih hna hi kan isersiam a herh; exercise hna hi tuah pah a rak herh; vitamins hna hi kan din lengmang awk a rak herh; rawlulh hna hi kan ulh pah a herh i thlarau lei lawng silo in taksa ngandamnak caah sii ṭha bik a rak asi.
Kan lenglei minung mithmuh nakah dawhtein le rimhmuitein le hmaipanh tein kan iṭamh i, kan ummi bantuk nak a let in kan chunglei taksa damnak le kan thinlung idawt/ṭhatnak hi kan zohkhenh/kilven, kan icawnghhramh le kan isersiam hi a biapitukmi asi. Na ngandam lo ahcun naa tinhmi le na saduhthahmi pakhat hmanh na tuah kho lailo.
Cun abikin kan thlarau nunnak kan ngeihmi hna hi Bawipa thluachuah nganbik asi i, Pathian bia/hla in thlarau puitlingmi kan si nakhnga rawl tampi kan pek hi a herh tukmi asi. Kan thlarau a puitlingmi kan si tikah kan taksa, thinlung hi damnak, lawmhnak, hnangamnak le ṭhawnnak thazang a kan pek.
Vawlei pumpi hi co law, na ngandamnak le na nunnak thlarau na sungh ahcun na caah a miakmi le a ṭhathnemmi zeihmanh a um lailo. Na ngandamnak le na nunnak thlarau hi zeihmanh in na caw ṭhan kho lai lo (Matt. 16:26). James Vanneihlian