Hi kong hi na ruat kiarmar ve bal dek maw?Kan ram chung ah siseh,ram leeng ah si usih,kan miphunn nih nau a sem hlan in kan thah tam ning hi ruah lengmang ah hin sertu Pathian lung hi zeitluk khin dek a hei fah hnga ti hi ruahloawk a ttha lo mi a si.

Kan miphun kan tlawm hi kan theih cio ko ,culak ah kan miphun nih tthancho ah pakhat kan i ruah i Bible nih a kan cawnpiak ning lonh in nu le pa nih kan cawlcangh mi hi sertu lung kan tling lo hrimhrim ti hi a fiang mia si.A liam cia kum 20 tluk khan kan Lairam ah khin kan i cawnpiaknak phun a rak um mi theipar kha a tu ah hin kan zuun cuahmah cang.

Cucu zeidah a si?Fa tam ngeihlo,fa 2/3 ngeih hi a za ko ti i cawnpiak a si.Kan nu le kan pa chan lio ah khan kan miphun chung in fa 12 pa 10 tiang a ngei mi an um,Pathian nih a rak cawm tthiam ko hna,cucu kan i cawnpiaknak a si caah fa 2/3 a ngei cang mi nih cun an hrin an iphit i cu hrinphihnak caah sii an ding

A cheu nih pa ci a khamtu an i chiah i nau an pawi kho ti lo.Kum 30 hrawng hrang a liam cang mi ah khan khuate inn 70/80 riat umnak khua hna ah hin ngakchia chuakka 20 tang ttumlo hna an um lio ah a tu kum 20 hnu ah hin cun,Inn 100 renglo khua hna ah ngakchia chuakka in kum khat ah 5/6 telawng an si.

Fa ngeihnak kong ah hin,Nupi pasal a ngei lo mi kha chim duhmi a si lo,nupi pasal a ngei ko mi nih cun ngandamnak nih a tlinh ko ahcun fa cu neih khawh zat in neih kha sertu Pathian duh piak mi a si ko.Abraham kha,na tefa hna cu van Arfi zat le rili these zat an si lai tiah bia a kamhtu Pathian kha ,Chin(Laimi) hna kan Pathian hi dahkaw a si ve cuh.

Kan unau Mizoram hna nih khin fa hi an neih khawh zat in an neih hna caah cuhlan kum 100 a liam cang mi ah kan mahnak in an tamlo,a tu ahcun kanmahnak in Mizoram a um mi khi a letin an tam deuhnak khi a si.An nih zong a liam cia kum zeimaw ah khan India cozah nih fa neih tlawm i hrin ai phit mi pawl kha sizung ah lawmman a peek hna i tlawmpal chungkha an van kalpi ve,asinain thiltha ah an ruatlo i an ngawl tthan cawlh.

Note: Chin/Laimi tthangcho usih law miphun dang zong nih kan ttihzah ve hnaseh ti kan duh ahcun,fa cu kan neih khawh chungin neih i timh kha kan miphun nih kan herh bak mi a si.Fa kan neih tik belte ah ningcanglo,Tleihrem chamw hna belte le voikhat lungthawh men hna in tlangval pakhat sin le nungak pakhat sin i vai hman belte si hlah seh.Kailawm.TDT

By admin

Leave a Reply

Your email address will not be published. Required fields are marked *