Khawvela nau piang an tlem berna ram ni sa, South Korea-ah chuan kum liam ta chhung khan piang aiin thi an tam zawk a, an ram manganna a belhchhah thar hle.

Kum 2022 chhung khan nau 2,75,800 chauh an piang a, a hma kum aiin 10% zetin an tlem zawk a. Kum 2021 kha chuan nau 3,07,764 a piang a, hei pawh hi tam lo tak a ni.

Interior ministry chuan an kalphungah inthlak danglam hlawk a ngai tih a sawi nghal a. An rama mihring an tlem lutuk chuan kawng hrang hrangin an ramin hniam lam a pan phah dawn niin a sawi.

Healthcare system leh pension te chawmna lamah sum tam tak an sen mek laiin thalai, hnathawk thei rual an indaih lo tan mek a, hei hi an ram ei bar dinhmun sawi danglam dawrhtu tur a ni dawn.

Thla hmasa khan President Moon Jae-in chuan nau an piang tlem lutuk tihziaawm nan policy eng emaw zat a tlangzarh a, heng zingah hian nau piang nei chhungkuate hnena lawmman siam pawh a tel.

Kum 2022 atanga hman tan policy-ah hian nau piang pakhat zelin won maktaduai hnih ($1,850; £1,350) zel an dawng dawn a, kum khat a tlin hma chu won 3,00,000 zel an dawng bawk ang a. Hei hi kum 2025 atang phei chuan thla tin won 5,00,000 dawng tura tihpun a ni dawn bawk.

By admin

Leave a Reply

Your email address will not be published. Required fields are marked *