Nan Ngamh Ah Cun Mipi Um Lonak Hmun Ah Kan I Kap Hna Lai Tiah CDF-Thantlang Nih SAC Ralhrang An Zuamcawh Hna. March 30 Thantlang peng Khuafo khua ah SAC ralhrang nih sualnak ngei lo mipi cu Vanlawng Bomb in a thlak hnawh hna caah ngakchia telh in minung 8 an thi i 11 hliam an tuar pin ah Biaknak lei inn 2 telh in inn 13 a rawk mi kong ah ngaih chiat pi nak cu CDF-Thantlang nih March 31 ah cathanh an chuah.

Cathanh chuah mi chungah; kum 2 chung ral kan tuk nak ah Mipi hna humhimnak hi pakhat nak ah kan chiah zungzal mi a si. Ralhrang hna nih nan ngamh tak a si ah cun Mipi an um lo nak khoi ka hmun paoh ah kan i kap hna lai tiah CDF-Thantlang nih an zuamcawh hna. Mah pin ah 2023 kum thok ka ah ralhrang um nak palik sakhan lak a si hnu in a tu ni tiang ralhrang an cawlcang ning aa dang i nichiar te tiawk in vanlawng a rak hman.

2023 kum January in March thla tiang Thantlang peng chungah raltuknak vanlawng in voi 112 tukdohnak a tuah cang. Raltuk nak ah kan thader ti a theih caah khuate ah hramhram in vanlawng bomb a hman mi cu fakpi kan doh. SAC ralhrang nih hi bantuk sualnak an tuah mi hi UN Security Council, ASEAN le International Community hna nih fak pin dan na kan tatpiak hna nak lai.

Min Aung Hlai, Soe Win, Chin ramkulh chungah ralhrang lutlai pawl a si mi Myo Htut Hlaing, Saw Htun, Han Win Aung, Vung Suan Thang hna cu hremnak fakpi in pek hna ding kong, CDF-Thantlang nih mahte khuakhan lairelnak kan hmuh khawhnak hnga ding caah kan i zuam bantuk in ramchung ramleng um mi zong nih a kakip in nan rak kan tel pi cio nak lai kan in sawm hna tiah CDF-Thantlang nih thanhca an chuah.CDF-Thantlang. Lungmili_post

By admin

Leave a Reply

Your email address will not be published. Required fields are marked *