Phakanh khuapiKawlram cunglei phakanh in van thawk ahcun, Phakanh pengkulh le a kiangkap khua pawl cu ho nih a thah, zei ruangah ti hngalh loin ithah lainawnnak a tam taktak ti si.
A milu in tuak ah cun Kawlram chungah mithah lainawnnak a tam biknak khua cu tu lio ah cun, Phakanh khua chungah a cang bik ti si.
Hmun dangdang ah cun ral ituk ruang, dohthleng pawl nih raap an nawn hna ruang, ralkap nih dohthleng lei minung an thah hna ruang tbk in a ruang a um. Phakanh ah cun a ruang theih khawh an si hna lo, tiah BBC nih a thanh.
2023 April 23 ni ah, an khuapi chung KTV chungah Kue raap bawi pakhat le mirum pakhat thah an rak ton hnu in, mah ti mithah lainawnnak aa thawk chin vimanak cu si.
Kue raap nih mino cheukhat an tlaih hna i, cu an tlaihmi pawl ruak cu lamcung tbk ah a hnu ah an va hmuh hna, tiah thihlohnak a tongtu lei nih BBC sinah cun an phuan.
Namte sawh in thah, lungtum iden in ithah tbk zong a tam ial. Zaan a von muih cun, an khuapi chung mi vialte hohmanh leeng an chuak ngam lo. A thaizing ah zei ruak, ho ruak dah char a si lai ti in thinphaang in an um cio hna.Pazici khua ngakchia
Kue raaphrang vanlawng nih a rak kahmi Pazici khua ngakchia pawl cu zatlangbu cheukhat nih inuamhnak le rawldanghnak tbk an va tuahpiak hna.
Ngakchia tam deuh nihcun, vanlawng lem tongh an ngamh lo tiah an ti. Ngakchia thinlung ah vanlawng nihcun a kan thah lai, bom a kan thlak lai timi ṭih zawtnak nih a tlunh thai hna. Karenni ah caan karlak cozah an ser lai
Karenni State Interim Executive Ccouncil (IEC) ti in Karenni National Progressive Party (KNPP) le Karenni National Defence Force (KNDF) nih caan karlak cozah kan dirh lai tiah an thanh.
KNPP lutlai Khu Oo Reh nih chairman a tlaih lai i KNDF in Khun Be Du nih Vice-Chair a tlaih lai ti si. NUG he pehtlaihnak an tuah lai i ramchung ramleng raap dohtu phu pawl he pehtlaihnak kan tuah lai, mipi thimmi cozah a chuah hlan chung, kanmah nih Karenni State cu kan uk lai, ti an si. Zumhtlaklo ralhrang raap cheukhat bia
Ralhrang raap cheukhat an tlaihmi pawl nih an chimmi bia pakhat cu, Kue raap chungah ahohmanh nih raltuk an duh ti lo. Mipi thah le nawn an duh ti lo, tiah an chim. Yangon ramṭhen NUG ralkap pawl a mak dommi an lo
YGN ramṭhen chung ah PDF pawl nih Kue raaphrang 600 renglo kan thah cang hna i cu chungah Buhmuci (Colonel) reng zong an itel tiah an icua. 900 renglo hliam kan tuarter hna tiah an iti.
Nain, anmah lei minung a thimi 80 renglo, hliamtuar 100 hrawng an si ve i, PDF an tlaihmi 1,000 renglo an si tiah an thanh. (Mah tein ituak awk si hnga)SAC raaphrawng bawi cheukhat nih Pi Suu an va ton
Raaphrang SAC i an Minister of Home Affiars Lt. Gen Soe Htut, Lt. Gen Yar Pyae le Lt. Gen Khin Zaw Oo hna nih Pi Suu cu Nay Pyi Daw i thong an khumhnak chungah an va ton tiah RFA nih a thanh.
Voi khat an ton bal cang tiah an ruah nain, cucu a dik ko tiah, anmah NLD lei zong nih an chim kho lo. Tutan zong cu raap lei thanhmi zong a um lo caah RFA zong nihcun confirm si ko kan ti ngam ti in thawng cu an hei thanh ve ko.
NLD an puber hlun Tin Oo belte nihcun, Pi Suu cu “ramkhel in idin cang ko law, remdaihnak rian phun deuh tu ṭuan khawh izuam ko cang” tiah June 8 ahkhan ka va chimh tiah a ti.
General Pan Pan(Mah hi cu news si lo; cuan ve hna law na thluak na hmanthiam cun na hmuh khawh ve men ko lai.
Ramleng ah cun Pan Pan nih buan a co peng rih. NUG hmanh nih isoi sual hna sehlaw, a thleh khawh dih hna lai ti dingin a um.
Saung Oo Hlaing nih ai ti sual ciammam, SOH cu a dawng bak colh ti si. Back kick sawh khin a hei kick men ko. Tuan ah Yan Naung Myo Thein nih hneuh a timh nain, a vun hawh lai phan ah a ti ngam tatak lo.
Tu chan Kawl a leer democracy uarci phun cu si kaw, Kue raap pawl volh le pamh, phomh le den ah cun a thiam cem le a mak cem “General Pan Pan” ti awk bak si ko. Lai pacang chupchap deuh pawl i an rak icrazypi vemi kha an rak mawh hrim lo.
Pan Pan nih Kue raaphrang a phomh hnanak cathai na rel cun thazaang na ngah ngai lai. Nain, mah khikhi a tlek thazaang, practical ah a si kho lo dingmi thazaang phun sawh si kho ti na tuak leem lai lo.
Mah caah, Kawlram liote ahkhan, educated community nihcun “sah-sah-ya-kah” ram a hrawkte ding pawl an si an rak ti phahnak kha si men lai. Salai C Alexander