Myanmar ram pumpi in ni nga chung(July 24 in July 28 tiang) kahdohnak ah SAC ralkap 219 an thi. Mipi ralkap lei in ralkap 12 nih ram le miphun ca ah an nunnak an pek.
July 24 ah Bago ramṭhen in SAC ralkap 43, Chin ramkulh Kanpetlet ah 12, Karen ramkulh ah 8, KNU brigade 6 hmunram ah 10, Sagaing ramṭhen ah 14, Shan ramkulh ah 3 tiin SAC lei ralkap 90 an thi. Mipi ralkap lei in ralkap 4 an nunnak a liam ve.
July 25 kahdohnak ah Sagaing ramṭhen in SAC lei ralkap 25, KNU brigade 6 in 11, Tanintharyi ramṭhen in 6, Magway ramṭhen in 5, an dihlak ralkap 47 an thi. Mipi ralkap lei in KNU brigade 6 ah ralkap 2 nih nunnak an pek.
July 26 kahdohnak ah Bago ramṭhen in SAC ralkap 17, Chin ramkulh Kanpetlet in 10, Magway ramṭhen ah 16 le Sagaing ramṭhen ah 1, an dihlak 44 an thi.
July 27 kahdohnak ah Bago ramṭhen in SAC lei ralkap 7, Magway ramṭhen ah 4, Sagaing ramṭhen ah 4, Shan ramkulh ah 3, Tanintharyi ramṭhen ah 2, Mandalay ramṭhen ah 2, Karen ramkulh ah 2 le Mon ramkulh ah 1 tiin ralkap 25 an thi, Taningtharyi ramṭhen in SAC ralkap 1 mipi ralkap sin ah a lut.Mipi ralkap lei in Sagaing ramṭhen ah 6, Tanintharyi ramṭhen ah 3 tiin ralkap 9 nih ram le miphun caah an nunnak an pek.
July 28 kahdohnak ah Yangon ramṭhen in SAC lei ralkap 1, Mon ramkulh ah 8, Magway ramṭhen ah 4 le Sagaing ramṭhen ah 1 tiin ralkap 14 an thi.Chin ramkulh Matupi ah SAC ralkap pakhat cu Chin ralkap nih an tlaih, tiah theih a si. The Chin Post