China le India telh in SAC chungtel cheukhat cu India ram, New Delhi ah April 25 ah a thli in tonbiaruahnak an ngei tiah India thawngzamhnak ABP live ah an langhter.

Cu tonbiaruahnak ah cun Myanmar ram thisen tampi luannak kong ah hramhram thilsual tuahnak hloh, ramri tan in thil ṭhalo thilsual tuah dohnak kong le minung hawi dang cung zawnruahnak he bawmhchanhnak pek ding ca ah biaruahnak an ngei tiah theih a si.

Cu pin ah cu tonbiaruahnak ah cun SAC nih a dohmi NUG palai hna he tonbiaruahnak ngeih khawhnak ding caah nawlnak zong an tuah tiah ABP Live an thlahmi ah hmuh a si.

Tutan a thli in tonbiaruahnak an tuahmi hi “Track 1.5” tiah min an pek i, atu bantuk tonbiaruahnak hi a liamcia thla chung ah a voi khatnak Thailand ram ah an rak tuah, tutan a voi hnihnak ah India ram New Delhi ah an tuah tiah theih a si.

Tutan India ah tuahmi tonbiaruahnak ah Myanmar ram kong he pehtlai in minung hawidang cung zaangfah zawnruahnak he bawmhchanh an herhnak ah fak deuh in bawmh an herhnak kong ah ASEAN chairman Indonesia telh in ramdang zong nih hnatlaknak an ngei tiah theih a si.TCP

By admin

Leave a Reply

Your email address will not be published. Required fields are marked *