Ex UN GS Mr. Bankimoon cu 23-24. 4. 2023 ah MAH te SAC Ralhrang tlawn ah ara. Tamada Hlun Tin Sui le MAH he a tawn hna. DASSK he tawn nak nawl a hallo an ti. Kawlram Civil War Daihternak le Federal caah ruah channak tampi kan ngeih cio hna. MAH tei awkah NUG le Mipi bawmhtu asi lai tiah Mr. Bankimoon cu Jeush Tumṭhan lai bang hngakhlang asi.

Mr. Bankimon biachah mi a tawinak in: Violence dither uh: UNSC 2669 le ASEAN biachahnak 5 zulh uh law tlinter uh; Violence timi Ralhrang dihnak lam kawl uh: Democracy le Daihnak lam kawl uh: Aatel dingmi Parties vialte he tawnnak nei uh; Thongtla mi chuah dih uh: Mipi nih Daihnak, zalonnak an ngeih nak lai Ramkip nih bawmh cio ding. Rallio ah thimhnak nan tuah ahcun sualnak ngeih lo mipi tampi thah ansi lai caah ram a daih hnu ah thimhnak tuah ulaw a tha deuh lai a ti.

Mr. Bankimoon cu 24.4.23 ah a kir. 25.4.23 thanhca an chuah nih ah Karenni Ram Pekhon Siizung cu lb 500 ritmi bomb in Jet Fighter in MAH nih a kah. Mr. Bankimoon a kir in ni thum ah Tlanglo khua cu Jet Fighter bakin a kah. Timit Raldohnak ah Chin Ralkap nih Ui Sakhan 3 anlak hriam tamnawn kan lak. Leium Lungcawi raldohnak ah kan tei fawn hna caah hramhram in Tlanglo a kah hi asi. Chin Ralkap an tei lo caah asiko.

C3K Sakai Makui hi ka tei ahcun Pauchuak Dohthlennak ka tei cang tiah MAH nih aa ruah. CNA nih Sakai le Makui tiangin SAC an kan tei caah tiah MAH nih Chin an kan ralkhun. Chinmi cihmih awkah anra nain Falam le Hakha karah Chin Ralkap nih Israel mi nih an ralpa an chimhrinh bangin kan tuah caah Vanlawngin Chin Khuate lei a kah.

ASEAN le UNSC nih an timi zulh loding in Tuluk nih ati caah MAH Lungthin a puar ter khun. FPNCC zong peace tuah ding ah Tuluk nih alem khawh cang hna. Mr Bankimoon kha sawm law vawleipi hi hlen hna tiah Tuluk nih ati. Tuluk nih Suu Ywe Luat in kal an duh kha Kawlte nih an thei caah ral an doh ve lailo caah C3K Sakai Makui hi na tei lai tiah Tuluk nih ati. Thimhnak an tuah lo kho.

Ramdang um Phuntungtu le Phun U Chinmi kan Unau hna, Hakha Falam karah Teinak kan hmuhnak cu Pathian nih Drone ahman ti cu kan hngalh dih cang caah, Drone tampi nan kan cawkpiak a herh ko. Drone tlangau lio mi Vaurawng sinah nan Dollar kan bung hnawh hram uh.

CNA / CDF Supporting Team kip ah Drone tampi kan cawk khawh I kan ralpa MAH kan tei cikcek khawh nak hnga, Chinmi Khuate lei Vanlawng in an kan thah zungzal tu cu Paalo Chin Ralkap nih Teirul kan chamh khawh ve nak lai, Chinmi kan nunhim in nan kan khumzual nak lai, Chinmi le Bawipa Pathian nih nan dollar an herh hrinhran ko.

Nan siang tawk lawng siloin na kenret le nan Bukbau chung tiang in Chinmi nih kan in herh hna. Ramdang um Chinmi vialte nih Pakhat hmanh I zukphiar lo tein Drone nan kan cawkpiak zawkzawk khawh ahcun Kanmah lawngin kantei kolai. Miphun dang cozah le Midang ralkap a herh loh.Saya H. Rung kaw

By admin

Leave a Reply

Your email address will not be published. Required fields are marked *