UNO Secretary General a rak tlai/ttuan cang mi, South Korea pasalttha pa, Mr. Ban Ki-moon le a team hna cu April 23 zan ah khan Burma ram khawpi Naypidaw Airport-ah an ttum kong cu nan theih cio cang ko khah, Burma military council leader Senior General ,Min Aung Hlaing he biaruahnak zong tlamtling te in an ngei tiah theih a si.
Hi an biaruahnak i kan theih khawh mi chungin tlawmpal van langhter ka van i zuam lai. Min Aung Hlaing nih ai tinh mi i ruah khawh mi cu,”Mr. Ban Ki-moon hi ka sawm ahcun ramdang sinah ka sining limhaang ka ngei kho deuh lai ti ruah in a sawm mi a si.Ban Ki-Moon hi human rights , nung nuhrin covo kilvennak leiah Elders Group Vice Chairman a tlai chih mi a sifawn.
Deputy Minister (Foreign Affairs), U Kyaw Myo Thut-nih cun,Mr Ban ki Moon-cu a hawi le he cun Burma cozah hmunpi Naypidaw- khuapi ah a rak chawnbiak hna i Ralhraang bawipa,Min AUng Hlaing he hmaichan te in i chonhbiaknak zong an ngei.Ban Ki-Moon Burma ram i a kalnak a sullam cu,Min Aung Hlaing nih a cah ruang i a kal mi a si i,Hi tan ah hin Burma ram President zong a rak ttuan bal mi, U Thein Sein he zong tonnak an ngei.
Mr. Ban Ki-Moon nih a chim mi chungin”Burma ram chungah Thimnak ka tuah lai na ti mi hi kei nih cun ka cohlang lo,a ti.Cun,Burma chungah thil ttha lo na tuah mi vialte/Mipi cung i harsatnak na tuahmi vialte hi ngawl cang,a ti.Hi kong ah hin NUG pawl nih cun Ban Ki-Moon nih Burma ram a va tlawn i Min Aung Hlaing he bia an i ruah hrimhrim hi an duhlo taktak i an sawisel cawlh ve.TDT