Morocco Lihnihnak In Minung 2000 Tluk An Thi Cang Midang 2,059 Nih Hliam An Tuar. Morocco linhninhnak in nunnak liammi minung 2000 tluk an si cang midang 2,059 tluk nih hliam an tuar tiah theih asi.
Hi kong he pehtlai in, September 8, khan Morocco president Mohammed VI nih Africa chaklei ram lihnihnak in nunnak liammi minung 2000 le hliamtuar minung 2059 hna ngeihchiat pinak ram pum huap in a tuah tiah Kingdom Ministry of Internal Affairs nih a langhter.
Morocco tualchung mipi tampi hna cu an khuasaknak inn ah kir ngamh ti loin, lamkam ah minung tampi an á¹hu dir hna tiah theih asi.
Hmun dang dang ah khuasaknak inn a rawk dih i, minung tampi an thi, an khuasaknak inn chuahtaak in hmunhimnak a kawl mi zong tampi anum tiah an langhter chih.
Lihnin nih a cimhter lo mi inn zong a chiat tuk caah tualchung mi an um ngam lo,minung tampi cu an khuasaknak inn tang ah an thi. Midang cheukhat cu motor kampi ah a zaam manh mi zong anum hna tiah Marrakesh ah khuasa mi Fatima Zahra nih a chim. Lungmili Post