Shan ramkulh thlanglei, Mobye peng Ngiangwai sang chung April 26 zingka, SAC ralkap le KNDF phu fonh kahdohnak ah SAC ralkap 20 nak tlawm lo an thi, 2 kan tlaih hna tiah Mobye mipi ralkap nih cathanh an chuah.

April 26 zingka ah SAC ralkap le Mobye PDF B-01, KNDF B-03, KNDF B-01, URA hna cu suimilam 3 chung an i kap i SAC ralkap an hriamnam cheukhat zong an laak khawh tiah mipi ralkap phufonh nih an langhter.

Mobye khuapi chung mipi ralkap an luh lioah SAC ralkap hna nih van lei kahdohnak voi 4 tiang an tuah tiah an langhter. Cu kahdohnak chung ah Phekobe um Khah- Mah-Yiah-336, Moebye Yekata pawng Khah-Lah-Yiah 422 le Loikaw rakap sakhan in hriamngan in pehzulh in an kah hna tiah khuami hna sin in theih a si.

Cu hriamngan kahnak ruang ah Ngiangwai sang chung um phungki hna le ralhrial cheukhat hliam an tuar tiah an chim chap. Tulio Mobye khuachung kahdohnak a fah caah tlunkal i ralrin ding le ralhrial hna zong tlun rih lo ding in Mobye PDF nih theihternak le ralrinpeknak an tuah.TCP

By admin

Leave a Reply

Your email address will not be published. Required fields are marked *