Mizoram Ah An Taksa Aa Sengmi Phir Bawhte (Conjoined Twins) Cu Dam Tein An Hlai (Ṭhen) Khawh Hna! Nihin february 22 ah Mizoram siizung ngan bik Zoram Medical College (ZMC) ah an taksa aa sengmi phir bawhte cu hlawhtling tein an hlai(ṭhen) khawh hna, tiah theih a si.

May be an image of 9 people and people standing

A hlaitu(Operation a tuahtu) team pawl hruaitu cu Dr John Lalliandinga, Associate Professor of Surgery and Paediatric Surgeon, ZMC a si i, Plastic surgeon, General Surgeon le Anesthesiologist doctor hna he suimilam 3 chung an hlai hna.

Bawhte hna nih hin an thin an i hrawm caah an thin cu a lai ah an cheupiak hna i, atu tiang ah cun an nungdam rih, bawhte hna cu ZMC NICU ah zohkhenh cuahmah lio an si, tiah DIPR Mizoram nih a langhter.

May be an image of 9 people and people standing

Phir bawhte hna hi February 9, 2023 ah khan Lawngtlai District ah an chuak i, an ṭaang le an paw aa sengh pin ah an thin zong aa seng. Hlai an si hlan ah hin ZMC ah Radiologist hna nih CT Scan in an thi kalning an zoh hmasa hna i, voi tampi an check hmasa hna hnu ah an nulepa hnatlaknak he an hlai hna, tiah theih a si.

Taksa aa sengmi phir (conjoined twins) hi nu nih phir bawhte a pawi hna lio ah an taksa cu, an paw, an ṭaang le an phei hrawng ah an i seng tawn. Vawleicung ah hi bantuk phir hi an tam lo i, minung sing khat ah pakhat an um khan in tuak a si.

May be an image of 9 people and people standing

An taksa lakah a biapit cemnak hmun aa sengh tawn caah vanchiatnak ton a fawi ngai tawn, tiah thiamsang hna nih an chim. Hi phir bawhte hna hi nu maw an si pa ti langhter an si lo pinah anmah hringtu nulepa min zong langhter a si lo.TCP

By admin

Leave a Reply

Your email address will not be published. Required fields are marked *