Atulio Manipur state chung Meitei le Kuki-Zo karlak i thahnawn buaibainak duhlo langhternak cu nihin ah Mizoram Aizawl khuapi, Lunglei khuapi hna le khua dangdang ah an tuah.
Hi lamzawhnak hi Mizoram All NGO Co-Ordination Committee nih an hrihhawhmi a si i, Manipur ah a ummi Zohnahthlak (Chin hrinsor) an hei aukanh hnanak a si.
Hi lamzawhnak ah hin Mizoram Chief Minister Pu Zoramthang le Deputy Chief Minister Pu Tawnlui zong nih Manipur um Chin unau hna caah tiin mizapi sinah lam an zawh ve.
Manipur ah a ummi Mizo sianghngakchia tampi zong Mizoram ah an rak kir hna i, Mizoram ah a ummi Meitei pawl zong an thin a phan caah nizan le nihin ah minung tampi an ram lei ah an zam ve hna tiah theih a si. Manipur ramchung miphun karlak buaibainak dai hram cang ko seh. Ramleng Chin