Ne Win, Kum 93. Ni Win kha kum 93 tiang a dam ve. A thih ah ruak vuitu a ngei lo. Minung 5 hrawng lawng nih a ruak an fimhlawm. March 2,1962 ah rampi aa ṭhencheu dih sual lai timi sonhtarh in hranhram in nawlngeihnak a rak lak.
A taktak ah 1960 hrawng khan timhlamhnak a rak ngei cang ti a si. U Nu nih 1958 i nawlngeihnak a tlaihtermi zong kha aa pehtlai vima. Ne Win nih Myanmar Revolutionary Council a dirh i rampi chak a tlaih.
1948 lio i ramtang lut in hriam a tlaimi Communist he daihnak ser ding bia an rak i ruah nain an chambau. 1962 in 1974 tiang phunghrampi um loin kum 12 chung Myanmar a rak kalpi.
1974 phunghram ning in Myanmar Socialist cozah an dirh i 1988 ah democracy dohthlennak nih Socialist cozah a hrawh ṭhan. Socialist cozah a dih ca Ralkap nih uknak chak a tlaih hoi i phunghrampi um loin kum 22 chung 2011 tiang a kan uk.
Ne Win nih 1988 ah Socialist Party hruaitu in kaa din a ti nain a hnulei in chaktlaitu a si ṭhiam. 88 ralkap uknak lak ṭhannak kong zong Khin Nyunt nih Ne Win a rak ton len ti a si.
Ne Win fanu i va le a tule nih nawlngeihnak lak an timh tiah an rak ti hna i Than Shwe nih a rak tlaihter hna. Ne Win zong cu innhrengkhumh in an chiah. December 5, 2002 ah Ne Win a thi. Than Shwe nih a ruak vuinak kong ah zei rel loin a rak tuahto i minung 5 kuam nih an vui.
Myanmar rampi chaktlaitu a rak si nain a thih tikah uite arte men vui in an vui.Than Shwe zong kum 90 ringlo a si cang. Zeidek a lawh ve te hnga? salai thawngpi