Ngazun Peng Rallamsialmi SAC Ralhrang Mipi Hriamtlaiphu Nih Drone Hmang In Bomb An Thlakhnawh Hna 7 An Thi
Mandalay ramṭhen Ngazun peng rallamsialmi SAC ralhrang hna cu mipi hriamtlaiphu nih drone hmang in bomb an thlakhnawh hna caah ralhrang 7 an thi tiah Ngazun peng mipi hriamtlaiphu PahKahPhah chung in ṭuanvo ngeitu pakhat nih a chim.
September 10, zanlei suimilam 12:00 in 5:00 tluk tiang Ngazun peng Let Pan Thar khua rallamsial in a rak chuak mi SAC ralhrang cu mipi hriamtlaiphu nih drone hmang in bomb voi 8 tiang an thlakhnawh hna caah minung 7 an thi 13 nih hliamfak an tuar midang hmunhim ah an zaam tiah theih asi.
Ralhrang a thi mi ruak le hliamtuar mi hna cu motor 2 hmang in an rak lak hna tiah Ngazun peng mipi hriamtlaiphu PahKahPhah chung in ṭuanvo ngeitu pakhat nih a chim.
Kahdohnak hmun ah a telmi mipi hriamtlai ṭangṭi phufonh hna cu, Ngazun PahKahPhah T.G.R PDF, TGR Women Drone Force (WDF) le MMU BEDF battalion 2 hna ansi tiah an langhter. Lungmili Post