Thandaung ah SAC ralhrang pawl cu bom an puah hnawh hna ii Ralbawi (1) ii tel in SAC ralkap (13) an thi
Kayin ramkulh Thandaung Peng, Tan Htaung khua Thlan pawng ah SAC ralhrang pawl cu bom an puah hnawh hna ii SAC ralhrang lei in rlabawi ii tel in minung (13) an thi tiah People Defence Force -Thandaung Phu in Rian ngei tu pakhat nih Yangon Khit Media ah achim.
May Ni (29) zanlei suimilam (5:20) hrawng ah lam ah Sentari cawng in arak kir mi SAC ralhrang pawl hna cu Thandaung khua Thlan pawng an phak ah bom an puah hnawh hna ii SAC ralhrang lei in Bo Hnih bawi ii tel in minung (13) an thi ii (3) hliam an pu.
SAC ralhrang lei nih hriam ngan le hriam hme hna cu Voi tam pi an kah tiah theih asi. Hi ban tuk in kah doh nak hi People Defence Force Thandaung Phu hna nih an tuah mi asi ii mipi ralkap lei in ahliam khawng mi um lo in tha tein hnu ah an kir kho tiah theih asi.