Nay Pyi Taw Van ralkap sakhan an dohnak ah palik 3 an thi zaan tim ah jet vanlawng zong an thlah.
Pa Zin Gyi khua bomb an thlak hnawhmi lai nawnnak lehrulh nak ah tiin Kawtulay KTLA , Nay Pyi Taw PDF le Nay Pyi Taw UG hna nih Nay Pyi Taw I ummi SAC vanlawng sakhan cu 107 MM in an kah hna hi a si , an doh hna caan hi April 16 zaantim suimilam 12:00 am ah an doh hna hi a si .
Hi an kahdohnak ah hin an khenmi hmun hna cu SAC ralkap nih vanlawng detsi an chiahnak le hriamnam pawl an chiahnak hna cu a khen caah puah khennak le kangh uh nak fak ngai in a chuahnak hi a si lai tiah an zumh kong theih a si, cu lawng siloin duty a hngaktu palik 3 hna cu an thih kong Nay Pyi Taw vanlei ralkap sakhan ah a ummi hna sin in theih a si .
“Detsi an chiahnak hmun a kangh I vanlawng pakhat an zuan ter colh ve , vanlawng pawl zong a khen sual lai tiah an phang I an zuar ter hna tiah PDF chung in pakhat nih cun a chim theih a si. SAC ralkap lei in Zaan tim ah ralkap thazaang tampi in venhimnak an lak ter hna hmuh a si.