Sagaing ramthen, Kani ah SAC ralkap sakhan thazaang 30 hrawng an umnak cu an lak piak hna theih a si, hi an lak lio ah hin ralkap minung 20 an thi i minung 6 an nung in an tlaih hna pinah hriamnam zong tampi an lak piak fawn hna theih a s.
Relchap- Breaking News: Kan Pasaltha Rual Nih Naypyidaw Air Base Kang Viar In An Kahv
Mizei Phu Ti Theih Lomi Nih Naypyidaw Air Base An Kah Caah A Kang. SAC ralkap nih biapi ngaiin an chiah i an hmanmi vanlawng umnak sakhan Naypyidaw Air Base cu April 16, zan suimilam 11:00 hrawng ah an kah caah, mei-alh nganpi a chuah hnu ah a kang tiah Naypyidaw hrambunh media hna nih an langhter.
“Naypyidaw Air Base ah April 16, zan suimilam 11:00 hrawng ah puahkehnak voi hnih a than hnu ah meikanghnak a chuak, a kanghning zong a fak ngai. A thimi le aa hliammi zong an um tiin kan theih, thil sining dikthlir cu fiang tein kan thei rih lo” tiah Naypyidaw hrambunh media nih an langhter.
Naypyidaw Air Base a kaptu hi mizei phu an si theih a si rih lo. Hi kahnak ruang ah hin meikanghnak a chuak i, cu meikang zong cu caan sau ngai a rauh hnu ceo ah an hmih khawh tiah theih a si.