Kyaukse Peng Samon Tiva Ah Mi 4 Ti An Pam. April 17, ah Mandalay ramṭhen Kyaukse peng Samon tiva ah ti aa liomi pa 4 ti an pam tiah mi bawmchantu phu hna sin in theih a si.
Samon tiva cu Kyaukse peng Kaungtin khualu ah a ummi a si i, ti aa liomi pa 4 hna cu nizan April 17, zanlei suimilam 3:00 hrawng ah tipamnak in an nunnak a liam tiah bawmchantu phu chungtel pakhat nih a chim.
Ti a pammi hna cu suimilam pathum tluk hrawng an kawl hna hnu zanlei suimilam 6:00 hrawng ah an ruak in an hmuh hna tiah theih a si. Tipamnak in nunnak liammi hna hi kum 20 in kum 25 kar mino, Kaungtin khuami an si tiah theih a si.
Relchap- CNA/F Kan Pu Le Hi Soi Awk An Si Maw: CNA/F kan pu le hi soi awk an si maw? Micheu khat nih CNA/F hi minung tuah le minung soi in an soi tawn mi hna ka hmuh tik ah ka cekne a khoih, ka lungfah ka celh hrimhrim lo.
Zeiruang ahdah an soi hna le an ti hna ti khi ka ruah ah a phi ka chuah kho hrimhrim lo. CNA/F camp khi kanmah CNA lawng ah a thong leeng kan si pin ah CDF, PDF, NUG le YDF tiin a phunphun in hriamtlai tam taktak an um.
Hi vialte ei ding chiti, cite, chuhmuk, aihre, khachung sen raang, kalape, ha taihnak, ha sii, hranghup, nuamtuam, nu thla fatin hman mi, hmawza, neciasih, zaan vurh puan, sii-ai, aalu, ngapih, taisawm, ihkhun, ball pen le cauk, khuasik caan ah tawlhrolh thluan, angki lum le luchinh lum tiang dawh an kan pek an kan tuantanpiak cuh.
Khi vialte ahkhin meithal, zenkuan ai tel rih lo khih. Khi vialte khi minung a thong ca ah hei tuak hmanh. Thlakhat ah phaisa zeizah a dih lai. Khi hmanh khih Victoria Base (Camp Victoria) a um mi ca lawng a si rih.
Hmundang i a ummi kan ralkap a sawmsawm a zaa zaa ca aa tel rih lo khih. Tangka na kan thawhpiak mi khi meithal le zenkuan lawng caw hna sehlaw zeidah kan ei hnga? Zeidah kan i hrukaih hnga… kan ruahpiak ve hmanh.
Kan pu le na kan soipiak mi khi hei ruat than hmanh. Ralkap a thong tampi thlahlawh an kan peng mi hna khi hei ruat hmanh. CNA/F kan pu le an inn le lo an ei mi te an motor cit mi te hna khi rak Zoh hmanh.
Na soi ngam hna hnga maw an thang na chiat ngam hna hnga maw unau. Hi vialte hi mipi nan thlanti chuak in nan tuahtuan mi in kan hmuh mi si i a pel te zong an hmang ngam lai lo unau hna.Salai Tluangte