Nizan April 6 ah Rangoon khawpi Urban Guerrilla phu nih Airforce hmunpi Mingaladon Airbase cu heavy-armed shock missiles in an kah, cu an kah tlawmpal ahcun bomb puak thawng le meithal puak thawng cu ai peh thluahmah tiah theih asi.
Zan suimilam 9:10 hrawng in cun thil puak thawng dongh cat lo in a thang tiah theih asi. Thawngpang kan theih ning ahcun Mingaladon Airport luhnak main Gate pi cu shock missile in an kah mi a si tiah DVB News burmese nih a chim.
Nizan Mingaladon Airbase hmunpi an kah mi ruang ah hin thil tampi a hrawh leng ah ralhrang vanlawng a zuannak ding lampi tiang zeimaw zah ai rawk tiah theih a si. Mah thawngpang hi ralhrang pawl a thuh bak in an thuh caah media pawl cu a ho hmanh Airport ah luh an siang hna lo.
Thawngpang kan theih ning ahcun Fire Tender zawng tam taktak in Airport ah an kal tiah theih a si. Cun Airbase compound chungah damlo phur tu motor zawng tampi khat lei khat lei ah an tli thluahmah tiah theih asi.
Dvb burmese nih a langhter ning ahcun hliam hma pu mi zawng tampi an um tiah theih asi. Cu lawng hmanh si lo in a langhter tthan rihmi cu Yangon Airbase hmunpi cu biatak tein scurity an chap tiah a chim chap fawn. DVB