Mindat CDF nih ramdang kal an khap. Nain, mah biachahnak ruang ah ram dang a zammi let hra an karh lai — Mindat peng lawng si loin pengdang zong an thinphang cio lai i an zam cio lai.
Laitlang ah zalawnnak a tlawm tuk cang. Mipi ralkap uknak hmun ah a zual khun. Meng 5 ai hlatmi Kuhchah le Tlangrua kal hmanh ah htohkhansa lak a hau.
Hakha le Surkhua kar check nak gate 50 deng a um. Kalnak kip ah ralkap he mipi ralkap he lam hman man an hal, a tlai cang tiin lampi riahter an hmang khun.
Phone chung private hmanthlak tiang zoh piak, Messenger ah aho he an i chawnh timi tiang zoh piak dih. Ralkap zong nih meithal in uk, mipi ralkap zong nih meithal in uk. Aho hmanh holh ngam cu si hoi lo.
Pawcawm a har lawng si loin zalawnnak vialte kha MAH ralkap le mipi ralkap nih nan chuh dih cang hna, vok inn ah vokpi hrem bang nan hrem hna.
Aho dah a um huam hnga? Meithal bochan aanaa-sin phu hnih tang ah sal tan cu a fawi lai lo dakaw. Ramdang ah mino an zam khi kanram ah aana-sin kan tam tuk ruang ah a si timi kan pemh a hau. Salai Lungthli Tum