Chin ramkulh Mindat peng chung ah hngakchia upa tilo takvun lei zawtnak Thakpherh an tuar cio caah a herhbau mi sii-ai lei bawmhnak kan herh hringhran tiah ralhrial pawl le mizapi bawmchantu phu in rianngei pakhat nih a chim.
“Atulio cu takvun zawtnak a karh tuk leng ah tlangrai a tam i cuap phin zawt nak nih a kan den chih,thlakhat chung ah mizaw (500) leng zohkhenh an si” tiah Save Team in rianngeitu nih The Mindat Post ah a chim.
“Mindat le a pengchung ah ralhraang nih pehtlaih nak le lamsul a phih caah eidin le sii-ai hmuhnakding a har chin lengmang” tiah tualchungmi pakhat nih a chim ve.
Save Team Phu cu ralhraang nih uknak an laak hnu in Mindat le a peng chung ah mah le thazaang te in mizapi ngandamnak a zohkhenh tu mino bu pakhat an si. CBN Daily News