Seikkone Khua Ah Kum 20 Nu Tleirawl 1 SAC Nih A Phu In An Tlaihhrem I An Thah, A Ruak An Khangh. Mandalay ramṭhen, Myingyan peng, Seikkone khua ah kum 20 tleirawl nu pakhat SAC ralhrang nih a phu in an tlaihhrem i an thah pinah a ruak mei in an khangh tiah tualchungmi hna nih Khit Thit Media ah an chim.
March 12, 2024 ah Myingyan peng, Seikkone khua ah rallam sialmi SAC ralhrang nih tualchung mipi Inn an khangh piak hna i khua chung ah sakhan ser in umhmun an khuar hnu ah kum 20 nu tleirawl pakhat cu a phu in an tlaihhrem i an thah tiah theih a si.
Kum 20 nu tleirawl pakhat Moe Sanda cu SAC ralhrang nih biahalnak tuah dingin an kawh hnu ah a phu in an tlaihhrem i an thah, a ruak zong mei in an khangh chih tiah theih a si.
SAC ralhrang nih biahalnak tuah dingin an kawh mi Moe Sanda cu March 13, 2024 zing ah inn a kang dih mi chungah a ruak in an hmuh tiah ṭhan tiah an langhter. Lungmili Post