Naypyidaw, Chaing Khua Lamtonnak Ralhrang Checkgate Bomb Puahnak In Palik Thimi An Tam. Naypyidaw, Zabu Thiri (ဇမ္ဗူသီရိ) le Dekkhina Thiri (ဒက္ခိဏသီရိ) ramri, Chaing (ချိုင်း) khua lamtonnak ralhrang Checkgate ah bomb puahnak a chuak i, palik 4 naak
“Vaute[March] 2, zan suimilam 6:15 tluk ah Chaing khua lamtonnak ah bomb puahnak a chuak i, ralhrang 4, 5 cu an thi lai” tiah tualchungmi pakhat nih a chim. Atu lio Naypyidaw ah bomb puahkehnak pehtlaiin a chuah caah SAC ralhrang pawl nih Vuanci zung le SAC ralhrang chungtel inn hna cu humhimnak an lakpiak hna, tiah theih a si.
Naypyidaw Zong A Him Ti Lo Hi Ralhrang Nih Thei Hna Seh; NUG Vuanci Yee Mon. 2023|Vaute 2| Kawl ralhrang hna nih an hmun khuarnak Naypyidaw khua chung zong ah a himnak hmun a um ti lo tiah National Unity Government (NUG) Ministry of Defence vuanci U Yee Mon nih a tlerh khawnh hna.
Radio NUG ah mipi ralkap (PDF) sin ah a tu bantuk in biacah a chim mi ah a telh hi a si. “Febuary thla chung lawng ah Mipi ralkap a si mi (PDF, LDF) hna nih Khuapi a si mi Sagaing ramthen, Magway ramthen, Yangon ramthen, Bogo ramthen le Mandalay ramthen chung hna ah lungrual te le hmun khat te ah ralhrang tukdohnak an rak tuah cio i thlakhat chungah voi 70 an tuah. Hi Febuary thla hi lunglawnhnak thla zong a si.
Hi chungah raltuknak vanlawng hmun 2, Helicopter tumnak hmun 1, ralhrang sakhan hmun 26, Palik sakhan hmun 9, Pyusawthi sakhan hmun 15, hriamnam an chiahnak sehzung hmun 3, ralhrang bawi hmun khuarnak hmun 2, ralhrang ke in kal lio mi hmun 2 ah an tuk doh khawh hna.
Hi thla chung lila ah hin tlangcung hriamtlai dang hna zong nih an rak tuk doh ve cio hna tikah lunglawmh awk taktak a si. Mipi ralkap hna zong an thazaang an thawng chinchin hna i NUG lei zong nih a herh mi hriamnam zong bawmh le pekchanh zong kan i zuam ve lai.”tiah vuanci U Yee Mon nih a chim. Lungmili Post