Central Lairam, Lawngtlai 2023 Pur 05: 2023 Pur 4 ah Lamka in Aizawl lei ah a rak i thawhmi motor pakhat cu zaan suimilaam 10:30 hrawng ah Saitual le Saichal kar Saitual in meng 10 hrawng aa hlatnak ah lamthlang ah a tlak caah a hmun ah minung 2 an nunnak a liam.
Nunnak liammi hna hi Lamneihkhil kum 23, a pa Lensat Haokip, Lamka le Haoseikipgen kum 57, a pa Ngamkholun Kipgen, Lamka hna an si. Hliamtuarmi minung pathum hna cu. Seilungluon kum 1, Ningchingtheng kum 7, Nengkipahthem kum 15 hna an si.
A zaan ah Sub-Hqrs YMA Saitual hruaitu hna le Branch hruaitu hna, Sub Hqrs YMA Disaster response Team hna, Palek hna le Saichal Branch YMA, Saitual VC hna le, zaanghleicawi YMA member nih an tawlrel hna i, Sub Hqrs YMA Committee Room ah khuadei pi an si.
Hliamtuarmi hna hi Aizawl lei ah kuat an si. An ruak hi Postmortem hnuah an khua Lamka, Manipur lei ah kuat an si lai. The Lairam Times