Manipur ah nungak pahnih taklawng in Meitei mibu tampi hmai ah an kalter hna. Cucu aliam May 4, ah khan asi cang. Video an thlak mi vawlei pi theih in an thlah lo caah Manipur cozah le India Central cozah nih zeihmanh a chim lo. Culio caah ah Manipur palek nih an kan hmu dih ko tiah an chim. Atu cu pheh thuhnawh awk a that ti lo. Mizoram kan unau zong nih duhlonak an langhter.
Kan nih Chin mi teh zeitin.Nihin kan dirhmun dohthlen lio caan ah Manipur ah Kuki kan unau hremnak a tuar cuahmah mi kongah Chin miphun aiawh in lungfahnak/lungtlinlonak cathanh in langhter caan asi lo. Zeitintiah tutan Manipur buainak hi miphun karah buainak a lo ko nain aphen ah thil aa thup mi a um kho. Cu aa thup mi lakah ramkhel uk hruainak le biaknak kong a si kho.
Manipur ah Meitei miphun nih ST status an hal ve ruangah buainak a chuak an ti ko nain Meitei nih an tuah hmasabik cu khrihfa biakinn khua kip ah khangh piak asi. Manipur state chungah Meitei nih an ral bak mi cu khrihfa biakinn hrawh piak asi. ST status covo hmuh khawhnak dingah zeiruang ah dah khrihfa biakinn cu an ral kun hnga.
Meitei miphun biaknak hi India ram ah biaknak lianbik Hindu biaknak a zummi an si. Hindu biaknak nih cun India ram pumpi hi Hidustan ah ser dih an duh. Cu caah tutan Manipur buainak ah hin kanmah Chinmi nih kan unau nganfahnak aukanh kan hau ve ti phun in duhlonak cathanh kan chuah ahcun kan dohthlennak hi atu nakin thutdir um kalnak ah a har deuh lai I, Central cozah nih fak chinchin in a kan reh kho mi asi. Cu caah kan lungfahnak langhter kan duh tuk ko zongah atu lio cu acaan asi rih lo ti ka hmuh ning a si. Ceuuk