Malsawm Khuachung Ah SAC Ralhrang An Lut Cang! Vanlawng In Bomb Thlak Ruang Ah Baptist Biakinn Le Inn Cheu Khat An Rawk!
Gangaw lei in a rak kaimi tatmah 77 cu Hakha peng, Malsawm khua ah an lut cang tiah theih a si. May 5, zaanlei sml 4:00 (Kawlram caan) hrawng ah khuachung ah an luh hi a si i May 6 tiang ah khuachung ah um rih dawh an si ko tiah theih a si.
May 2, 4, le 5 tiah SAC ralhrang nih Malsawm khuapawng le Biakinn ah vanlawng in bomb voi 3 a thlak i Baptist Khrihfabu Biakinn a ciam i inn cheukhat an rawk tiah theih a si.
”Biakinn hi May 2 lio bomb thlak lio ah a rawk ko nain remh ṭhan awk ṭha deuh a si. Nizaan May 5 ah a nolh hnu bel cun a ciam dih cang.
Lam kam inn pawl cu thlalang awng a rawkmi le a pem mi an tam ngai, tlik zaam pah in kan si i fiang in kan zoh manh ti lo,” tiah khuami pakhat nih CCN ah a chim.