Malaysia hi Myanmar le Chinmi ca’ah cun rian tuannak hmun le vanram bantukin kan tlon len biknak asi ko rua. 2021 Kawlram buai hnu hin, minung Ting leng an phan tha’n i, misual le mi tha he cawhthup an um lulh ko hna.micheu cu Zudin/Sa’ei lawng silo’in Ar-Nu le Nu tha lo ken kip he aa Zii len mi zong rel cawk lo an um ve hoi ai.
Nizan September 16 Zaan lai Suimilam 10: 20 Pm hrawngah khan Kuala Lumpur Palik Bawi Datuk Ahmad Zaffir hruaimi Police le “Lah -Wah-Kah”(Immigration)fonh 72 nih Malay khua pi Kuala Lumpur i Myanmar/Chinmi pawl Night Club le “Kara Ok” an kal tawn biknak hmunpi Taman Semarak cu hmunthum in an luhhnawh hna “Oparasi” i, Chinmi telhin Myanmar Mi- 92, Pa-65 le Nungak Nu-tung 27 an tlaih hna i, Thonginn ah an khumh hna.
Hi Taman Semarak i Night Club-cum- Kara Ok’s hi Tukum khan Malay Chinese Pa le Kawlram Nu nih License nei lo’in athlithup tuahmi asi i, Password neimi Innkhar le Myanmar Security Guards pawl nih tha te’in CCTV he an conghmi asi i, athlithup in Zaan khua-dei an lam an au khuang tawn ca’ah pawngkammi nih an report hna ca’ah Oparasi an luhnak asi.
Cu’pinah, Nu pawl zuarnak/Ar-Nu zong an tuah chih ti’ah Palik Bawi Ahmad nih a chim i, Myanmar ArNu 13 cu Prostitute Cases siam piak an si i,Mi-39 cu Phunglam lo(Illegal) Cases in Court ah khin an si ti’ah a chim fawn.
Hi Kuala Lumpur, Taman Semarak pawngkam hrawng ramtangah hin Myanmarmi zeimawzet Thlam/Buk te siamin an um rih ati. September 14 zongah khan Selanor State,Bandar puchong Kara Ok’s ah Oparasi an rak lut cangi, cu’ah cun Myanmar Ar-Nu Pa-4 Human Trafficking Cases in an rak tlaih cang hna. Cuca’ah Malay ummi Myanmar/Chinmi pawl kan thu’t-to ning kan i ralring tak tak ahau ko rawh hih.
Palik Bawi Ahmad Zaffir nih cun, phunglam lo khuasa le Zuu ding buainak siammi Myanmar poh poh cu tlaih in Kawlram Ralkap kutah kan kuat thluah -mah hna lai ti’ah achim hoi.Cuca’ah Malay um Chinmi pawl cu lungfim te’in pianthar ahau ko ne rawh hih. MC Biklian