Kawlram chungah Kuria pawl company 2,000 renglo an um cang an tinak cu Kawlram ka rak tlun donghnak bik hrawng ahkhan a rak si. Kum 5 a reng ti lo kho men.
2021 Kawlram mipi nih ralkap uknak an rak doh lio ahkhan, Kuria ram ah cun Democratic Party cozah nih an rak hruai hna lio si caah tha an kan pek ngai. Kuria company pawl zong Kawlram mipi duhning in an ram in kir ko uh tiah an rak forhfial hna.
Democracy ram cozah nih an rammi hna nawlngeihnak khi anmah (uknak a tlai chungtu) duhning in hnek chih phung si lo. An hnek kho fawn hna lai lo.
Kuria kahpathir chuahtu company lakah POSCO a min thang bik. Kawlram an rak luhnak a sau ngai cang. Kuria ram chung i anmah miphun democracy duhtu hna authawng ruangah POSCO tu cu Kawlram in a chuak.
Nain, Kuria company pawl Kawlram in an chuak maw chuak lo tiah cun, an chuak nemmam lo. Samsung le LG hoihna cu Kawl raap MAL aiawh minung pawl he YGN an embassy ah ton biaruahnak an rak ngei. Company sawh si lomi Kuria corporations zaa lengkai pi Kawlram chungah an um rih.
Naite kan hnung thla ahkhan, Kuria company pawl nih chanthar raltuknak hriamnam phunphun an chuahmi ifakthanh langhnak an tuah. Cu ah cun, Seoul i Kawlram embassy in MAL aiawh minung pawl an sawm ve hna. Anmah Kuria democracy duhtu phu 100 renglo nih duhlonak an langhter nain, zeihmanh an ti kho lo.
Cu pinah, nikum khan Kuria cu Conservative Party nih uknak an itlaih tikah, Kawlram ramkhel ithlennak kongkau ah a buai ding an si lo. Anmah rammi chawleh ṭhat khawhnak ding le an ihlawknak ding lawng a tuakmi an si.
A tang lei ka taarmi video khi Japan le Taiwan company pawl kong a si. A liamcia thla thumli hrawngah Channel News Asia (Singapore) nih a chuahmi video si.
Kawlram chungah Japan company 4,000 hrawng an um a ti in ka thei. Cu chungah 200 hrawnghrang te khi an kir a ti. Taiwan si hoi. An kir lo. Daite in an iduup.
Awtaw le an nawlcawng Langak runrual nih an ihuih tawnmi bia cu, “Suu Kyi thawng in Kawlram ah ramdangmi nih phaisahlum phum in chawlehnak an hung tuah” ti an si.Si nemmam lo. Raap cozah nih 2010 hrawng khan business a on caah an rak luh ciomi khi si ko. Thein Sein chan ah a lut an tam bik, ti si.
Awtaw nih “damah” le “ahdamah kong ah si eh,” an vai iti i “CDM tuah pet uh” tiah an ihrih hawh. Kawl tawkaliah huam tukmi Chin pawl nih kan miphun zong cu “nan rian in chuak dih uh, kan in cawm hna lai” ti phun forh an rak si ve.
Laikhal pawl cu an rian cun an chuak pet; an or dih nan timh fam hna cu mu, an mawh lo. NPD tepawl adangdang Kawl runrual kha an rak chuak dih nemmam lo. Zinglei ah sandah piahnak ah an uniform he an vai ilangh i zungkai zaat cun zung ah an kir thotho.
California i Dr Zaw Wai Soe biachim a ka ciah takmi pakhat cu, “Kei cu ramkhel minung ka si lo. Mizaw thlop siibawi ka si. Biachim thiam zong ka si lo. Nain, damah le ahdamah ka thleidan ruangah dohthlennak ka tuah, ai ti. An kut an bengh lulh. Ramkhel kong ah damah zong um lo. Damah timi cu biaknak ta lawng si.
Ramkhelrian cu “ahdamah” lawngte in a khatmi a rak si ti an hngalh ziar i anmah chan ah an rak fir an rak baoh dih bu ah khuazei maw “damah” le “ahdamah” an vai iti ve ahkhin cun, Trump lebang US cozah ah chuak sehlaw, Washington DC lei i an NUG zung khi hngawngsen pawl a kahter pet men hna la dah ka ti.
US company ah MAL a zaamtaaktu cu Lucky Strike hei ti hrawnghrang kuak company, Dutch meiti company Shell, Norway Telenor hei ti bantuk, an si cu mu.
Lucky Strike hna Kawlram kuakzu pawl nih a thaw an timi si lo. Tikah, Kawlram mi an zei poi hnga hme maw ka ti. Shell nak cawlcang kho Kawlram chungah meiti company an hei um lengluang hoi lai, Telenor a va um lo zong cun a dang company an um thotho rih fawn.
MAL maw palh? A zaamtaak duhlotu company maw? Kawl sah-sah-ya-kah pawl dah?A biapi hei thai duhmi cu tu hnu hmailei ah cun, Kue thlihran ichoihter ti hlah uh. Laimi hna cu tappi pakhat chung khuasa kho ding chungkhar hmete lawng kan si rih.
Kan miphun a himnak ding, nan ṭih nan zah an taw nan liahmi Kue ho nihkhin, hmailei ah cun kanmah tu an ṭihzahmi miphun kan si hmasa ding tu izuam cang u, ti khi si ko. Crd: Salai C Alexander