Mah hi khoika khua le peng, ahmunhma an ttial lo, Online ah ka char chinmi sive. Mipi ralkap nih kan ram caah an nunnak an pekmi zoh tikah an chungle caah ahei fah tuk ning mu, ram mipi tlanhnak dingah ho fial lo tein an nunnak an pek hi Jesuh nun an ngeih ruang ah a si.

Hringtu nu le pa le unau le nau sinah nuam te in an um kho ko nain, miphun le ram an dawt tuk ruangah um duh lo in ram tang ah tihal rawl ttam in ralhrang an doh i an nunnak tiang a liam ah hin cun nu le pa le chungkhar caah taur khawh ding a si lo.

Ti hian, mipui sipai ten ram leh hnam tan an nun an hlan a, a mah hringtu nu tan phei chuan eng ang tak in na ang mo, selna fahrah vel mai mai nga tan mah kan ti lo, sipai sawrkarna kan peih thlak hma chu kan bei zel dawn a ni,..hna lam kan tawt vang in, news kan rawn up thei em em hman lo a, min lo hre thiam thin dawn nia.

A tang video hi rak zoh ve hmanh thinlung nih celh ding hrim s lo ee. Hibu hmanh i kan ralkap le hna kan soisel rihmi hi cu khua kan ruah lo caah a si. Video link zohnak

Relchap- Kalay-Falam Kar Ah SAC Ralkap Cu Bomb Hmang In Kahdoh An Ton Caah 30 Leng An Thi. Sagaing ramṭhen, Kalay in Laitlang lei ah a kalmi SAC ralkap leilawng cu Kalay-Falam lampi ah voi tampi bomb puahhnawh in doh an ton caah SAC ralkap 30 leng an thi tiah theih a si.

Thir kham leilawng 2 telh in thil phurtu leilawng 30 leng le minung thazaang 100 leng he rallam sialtu SAC ralkap hna cu March ni 7 le 9 ah Kalaymyo in Laitlang lei ah an i thawh.

SAC ralkap hna cu Falam khuachung an luh hlan lampi ah Chin tualchung hriamtlai phufonh hna nih voi tampi bomb puahhnawh in an doh hna pin ah kaphnih kar kahdohnak ruang ah SAC ralkap lei a tlawmbik 30 hrawng cu an thi tiah CNDF brigade commander Lian No nih a chim.

“Falam peng an luh hlan ah hriamtlai phu 4 fonh le SAC ralkap kar Taingen le Valung kar ah kahdohnak a chuak, cu kahdohnak ah cun SAC ralkap 6 an thi. Valung in Htinshu sakhan kar ah ni thum chung pehtlai in kan doh hna caah, meng 8 lawng a hlat nain cuka ah cun zan thum an riak. Cu kahdohnak ah cun SAC ralkap 30 an thi” tiah a chim.

Kalay in leilawng tampi he Chinram kal aa thawhmi SAC ralkap hna cu Kalay-Falam kar ah CNA, CNDF, CDM-Siyin, MEDF, KKG-Kalay le PDF-Zoland hna nih an kahdoh hna.

“SAC ralkap hna cu Falam an luh hlan tiang lampi ah pehtlai in CNA he ṭangṭi in kan doh hna, bomb zong kan puahhnawh hna, minung zeizat an thih hi fiang tein cun kan chim kho rih lo” tiah CNDF brigade commander Lian No nih a chim.

Falam le Kalaymyo kar hi meng 80 hrawng a hlat, cu hlan ah cun SAC ralkap nih rallam an sial tikah Kalay-Falam kar hi ni 5 hrawng an rau tawn nain, tutan hi lampi ah kahdoh an ton lengmang caah zarh hnih hrawng an rau, SAC ralkap hna cu March ni 19 ah Falam khuachung an lut kho tiah theih a si. Rallam a sialtu SAC ralkap hna hi Falam khuachung an phanh khawh cang caah Hakha lei ah an lan kho tiah zumh a si.TCP

By admin

Leave a Reply

Your email address will not be published. Required fields are marked *