SAC Ralhrang nih March (30)ah Khuafo khua bomb an thlak lio ah hliamhma faak ngai in a tủar mi Lungzarh Khua Peter Van Cem Lian (kum 17) cu tuchun ah a ngan fah celh ti lo in hi Vawlei harsat nak in a kan dinh taak cang ee tiah thawng kan theih.Tantak mi chungkhar nan ngeihchiat nak CBN nih kan in hrawmpi hna Bawipa Thiangthlarau nih in hnem ko hna seh.

Khuafo Khua Jet Vanlawng Nih A Kahnak Kong Hlathlai Khawh Mi. Ralhrang nih 30 March 2023, 10:16 Am ah Jet Fighter in Khuafo khua a kahnak hmun pawl kan hmuh khawh tawk asi. A tung 500 meters in a vang 100 meters kulh chung khuafo leitual fing paohpaoh ah S-8 rocket le 23mm cannon (kuan lian pipi) phun nih (hmun 12 leng ah) cip nawn in a rawiput.

Hi rocket le kuan pawl hi FTC 2000G, Mig-29 le YAK-130 fighter phun pawl ah bunh i hman khawh mi an si. Rocket pods timi rocket tampi voikhat kahnak thalphir (hmanthlak ah langhter mi) hna bunh ahcun second 3-5 chung ah tampi a kah khawh.

9:56 AM ah Tada-U vanlawng bual in nitlak chak (အနောက်မြောက်) hoih in dengteo in Thantlang a run fuh i 10:16 Am ah Khuafo a kah. Jet fighter pakhat hi tuan deuh ah a phan i a hnu deuh i Khuafo a kaptu a si tiah pawngkam naihniam sin in kan theih. Mi-35 fighter heicopter nih Vuichip naih le Tlangrua naih ah a kah ve.

Forhnak: Vanlawng aw na theih i jet fighter a si ko ah cun a naih bik tlungkhur ah lut ko. Himnak a si. Na chungkhar na pengtlang him hna seh ti na duh ahcun rak sharw cio uh. Ramleng um nih ramchung kan miphun caah himnak kan pek hna zong a si.

By admin

Leave a Reply

Your email address will not be published. Required fields are marked *