Lungrual tein Pumkhat si ahcun Kawl Ralhrang Chimhlo, Anaasin le Chinland Ral vialte kantei dihlai. India, Bangladesh, Kawlram um Chin Miphun funtom in Chin Country kan dir khawh lai. Atakah pumkhat kansi khawh lo i Lungrualnak pelte hmanh an um lo. Pau Dohthlennak ah hin kan zual khun.
Chin Mifim tampi le Politicians rual nih Kawl nih Divide and Rule i an kan uk i Burmanization (Mabatha) ruangah asi kan ti ko nain Tutan hi cu akungthu dueh ansi rua kati. Kanmah hruaitu hna hrim hi kan baungai rua tiah kahmuh. Lungruallo le Pumkhat siloin Chin Nation Building lei ah kan kal khawh lai tiah aruahmi Hruaitu kan tamtuk rua.
Kawlram le Kawlte hi aalungrual balmi le pumkhat asibalmi ansilo. Uk Sang Chan ah Voikhatte Lungrualnak le Pumkhat sinak an rak ngeih bal. Japan tein Mirang sinin Zalonnak hmuh asi. Kawl miphun le Kawlram asibal lomi Chin Kachin Shan, Karenni tbk hna tuchan Kawlram ah khumh khawh tiangin Lungrualnak le Pumkhat sinak siamtu Uk Sang arak si.
Uk Sang nih Kawlte Pumkhat sinak asiam dancu: Party, Zatlangbu, Hriamtlai phu tbk vialte kha hmunkhat ah afuntom. Anti-Fascist People Freedom League AFPFL tiah min an pek. Kawl holh in Pasapala anti.
AFPFL chan ah Party le Zatlangbu Minthang hna cu: Socialist Party, Communist Party, Vuanthanu Poor Party (Dr. Bamaw), Myochit Party (Glone Usaw), People Revolutionary Party, National United Front (NUF) Aung Than (Uk Sang Upa), Dukbama phu, GCBA, YMBA, tbk hna ansi. Hriamtlai hna cu BIA / BDA / BNA timi Uk Sang le 30 Comrades nih hohak mi Kawl Ralkapbu, Bohmu Baaṭhu hruaimi Japan dohtu Communist Ralkapbu, Mirang Ralkapbu asimi Chin, Kachin, Shan, Karen,?
Pasapala (AFPFL) ah an i fonh tikah an Policy, Mumal, Dundan, Bylaw, Constitution kha an kaltak dih. Socialist le Communist Founder cu Uk Sang asinain Raldohnak papek aduh caah Thakhin Mya (Socialist), Thakhin Soe le Thakhin Than Tun (Communist) cu ahruai ter hna.
U Nu, Kyaw Nyein, Ba Swe, Aung Kyi, Ni Vung, Thakhin Chit, Thakhin Mya, Aung Zan Wai, Pe Khin, Bo Hmu Aung, Sir Maung Gyi, Myoma U Than Kywe and Sein Mya Maung tbk Kawl Politicians abikbik hna hi Socialist lawngte ansi. Tulio Federal le Democracy tlukin alaarmi arak si.
Uk Sang cu Socialist le Communist Party dirhtu timi hi amah zeirello asilo. Kha lio canah Democracy cu Capitalism asimi Colony asitertu asi tiah Vawleipi nih ruahmi asi caah Vawleipi ah Socialist le Communist hi Vancung pennak btkin anlaar lio asi. Cucaah Uk Sang te hi nek hlah uh.
AFPFL hruaitu hna cu Presidents: Thakin Soe (1944 – 1945) U Aung San (1945 – 1947) U Nu (1947 – 1958). GS hna cu: Thakin Than Tun (1945 – 1946). Kyaw Nyein (1946 – 1956). Thakin Kyaw Tun (1956 – 1958).
Socialist le Communist Politicians lawngte ansi ko nain Policy ankal tak dih i Democracy in an kalpi hna. Panglong conference antuah khawh i kum 10 hnu ah Federal Democracy in kal awk tiangin hmalak khawh asi.
Pau Dohthlennak ah Chin Hruaitu vialte hi Socialist le Communist kan um lo, Democracy le Federal Politicians lawngte kan si ko nain Pumkhat kansi khawh lo i lungrualnak aum khawh lo. Federal leiah panh pitu Policy siloin Peng le tlang Policy kha fekṭhupin kan i tlaih i kan kaltak duh tilo.
Kawl Party Luban, MPs Cheukhat nih Federal le Democracy ah apanh pi khawh lomi NLD Model le Kawlte Model kha an kal tak khawh ti lo.
Chin Nation Building kan kalpi tikah Kan hlawhtlin lomi cu Chin Kokek kansi ning kha kan i cohlan piak lo i, covo kan phih hna, Chauvinism timi miphun thleidannak le Nautatnak Policy ah khuasami kansi caah asi.
NUG, ICNCC, CJDC nih Chinland Pumkhat sinak le Lungrualnak ah an kan hruai khawh tilo caah Pasapala ah pumkhat si awkah kuri tu cu Uk Sang hruaimi BNA Burma National Army ansi bantukin Chinland Ralkap asimi CNF / CNA nih pumkhat sinak le Lungrualnak cu ahruai awk asi ve.
Chinland Nation Building kan hlawhtlin lomi cu Kawl tuahpiak mi Peng le District kha basic ah kan laa lengmang. UN le UNDRIP kha kan kaltak tawn. Colony hlan ah Vawlei, ramri, nunphung he tiah anei cang mi hna kha Ethnic ati hna.
Chin Ethnic kan timi cu kan palh. Ethnic vialte aa funtom hnu ah Chin Nation siding tu asi. Chin Nation tiloin Chin Ethnic ti cu aapalh bakmi asi. Chin tribe kanti hna hi Tribe asilo. Ethnic tu ansi. Cucaah Chin Nation Building le Federal ah Myone base cu apalh.
Federal kan ti tikah Bahu, Chinland, Local Federal cozah tiah phun thum anum lai. Local Federal cu Myone based khawh asilo. Myone timi cu Chin miphun aiawhtu asi lo. Kawlte tuahpiak mi asi.
Chinland Cozah ah Nawlngeihnak Sangbik aum lai. Bahu le Local ah Power aum lai lo. Cucu Peng hruaitu Upa hna nih kan lungpem a herh. Federal cozah ah District cozah timi um khawh asilo Hrimhrim in. Kawl tuahpiak mi asi.
Chinland Cozah ah Uknak, Upadi le Biaceihnak nawl aum lai (Local ah silo). Fangkhat cio timi cu Palai / Mandates aazat lai tinak asi. Vuanci le Vuanzichuk cu Defecto le Mifimthiam hna nansi ko lai.
Phaisa phawt ah Fangkhat cio ti asilem lo. Leitak nih Dr. Lian Hmung Sakhong an buai hnawh mi cu Fangkhat cio cu asi khawh lo. Hmawngtlang, Khuahlun le Zeipi nih Mondern Leitak bantukin Phaisa fangkhat cio cu anrak ti bal.
Local Federal Cozah cu Atlawmbik 35 um ding asinain CDF a dirhtu 17 kha lak ding asi. Akarlak ah District um khawh asilo. CNF nih cohlan a herh. CNF nih hihi an cohlan ahcun CDFs zong nih i fonh awk asi ve.
Aa fonh duh lomi cu Federal le Democracy in an pial. Fascist deuh ansi lai. Pengkulh in Chinland ah kaa peh lai timi cu: Chin Kokek le Kan miphun ah aum lomi asi caah Chin Chauvinism nansi. Naa palh cikcek ko ka dua.
Fianternak: Piang Cikcek in Hngalh aduh mi caah Charts ka thilh chih. Can ngei tikah rel ve te. PDF file aduh mi cu Comments ah tial uhlaw, kan kuat hna lai. Saya H. Rung Kaw