Raltuknak meithal hmanh ngei loin ram arak veeng ngammi vialte le atu tiang zongah ram tthahnak caah a au thatmi kan CNA upa cungah athar in upatnak ka ngei.
Mah vialte caan chungin atu tiang, ram caah nan nunnak, nan duhthimnak kal taak in kan Chinram caah nan i pek dih mi ruang te ah hin kan raal hi kan tei hrimhrim ahau.
Tukar hrawng live ka zoh ah an mithmai in an thabaatnak, nan temhtuarnak le nan ngeihchiatnak ka hmuh tik ah ka ngaihchia i keimah kaa phuhrung tuk. Ka saantlaih lonak zong tampi kaa hmuh i ka aipuang, ka thinhung.
Sihmanhseh mah bu ah nan ruahchannak adongh lomi ka hmuh. Lungdong lo tein kan ram tthatnak ding caah lungsau tein na kan tthithruai, na kam dirkamh rih mi ka hmuh caah pumpaak in kaa lawm ee.
Zingkhua adei lai i nii ahung tlaang tak te ko lai. Kan mipi, abik in kan mino zong an i fiang thluahmah te ko lai. Aho poh nih sehtan nih hin kan miphun, kan zumhnak, kan Pathian laak piak akan duhpeng mi zong hi an i fiang tak te ko lai.
Vawilei raaltluk in vanraal kan doh zong hi an i fiang te ko lai.lungdong lo tein kal chih ulaw pahchih ko uh tihi saantlai lo keimah nih tuzaan caan ka lungchuak te ka rak ttial. VHS