Nepal Ram Lihnihnak In Minung 150 Tluk Nunnak A Liam. Nepal ram Kathmandu in Km 500 tluk aa hlatnak hmun thlanglei Jajarkot le Rukum peng hna ah chiatṭhat zohkhenhtu phu nih venhimnak rian an ṭuan tiah theih asi.
Lihnihnak nih hin Nepalese khuapi le a innpa cheukhat hna ram zong a phak hna i India ram Delhi zong aa telchih. Ralkap biachimtu pakhat nih a langhter ning cun lihninhnak in ngakchia telhchih ah minung 150 nunnak a liam i 100 naak tlawmlo hliam an tuar i Jajarkot sii-inn pi cu an khat dih tiah a chim.
Zaan ah faktuk in aa hnin i tualchung mipi hna cu inn chungah um ngan loin leng ah an chuak dih inn 100 renglo a rawk venhimnak le bawmhchanhnak rian kan ṭuan hna tiah Aathbiskot Major Rabi KC a chim.
Hi kong he pehtlaiin, Nepal Prime Minister Pushpa kamal Dahal nih lihninh a chuahnak hmun hi a tlawn colh i minung tampi nunnak a liammi le inn arawk mi cu a lung ṭhat lonak kong a chim tiah X- media nih a langhter. Lungmili Post