Lemcang Thiam Academy Tiha Tin Soe Nunnak Liam. Myanmar ramchung ah muicawl in academy tampi a hmutu minthang Tinha Tin Soe (kum 55) cu lungzawtnak in nihin February ni 21 ah a nunnak a liam tiah theih a si.
A lungzawtnak a puan caah siizung an kalpi i Tingangyun siizung ah a nunnak a liam tiah theih a si. Academy Tiha Tin Soe cu dohthelnak muicawl tampi aa thlami lemcangthiam pakhat a si.
Tinha Tin Soe nih fapa pakhat a tantak. A nupi academy Zin Ma Oo cu a luancia kum 2021, March ni 11 ah damlonak in a nunnak a rak liam hnu kum khat fai ah a pasal a nunnak a liam ve hi a si.
Relchap- President Joe Biden nih nihin ah Ukraine a tlawng i ralkap bawmhnak $500 million a pek pah hna. A dongh tiang Ukraine cu dirpi ding in le hriamnam bawmhnak pek peng dingin Biden cozah nihhin a kamh zungzal hna.
Ukraine nih Russia a teinak ding ahcun F-16s pek an hauh lengmang mi zong i ceih cuahmah lio a si. January thla lio ahkhan cun Biden nih kan pe lai lo a rak ti.
Vanlawng kuat kong cu chim lo Republican tampi nih Ukraine hi bawmh ti lo dingin an ti, asinain Munich security conference a va kai ve mi, ThếRepublican senator Lindsey Graham te pawl nih cun tute hin Ukraine pilot pawl hi F-16s training pek zokzok ding an si, tiah ABC news interview nak ah a chim.
Russia nih tulio dirhmun ah a vun det deuh khawh cang caah biatak tein US le EU nih hmalak an vun i tim than i tuhi Ukraine i kuat dingmi vawleicung tank tha bikbik pawl zong kuat cuahmah lio an si cang.Chelsea Bawi