Laldinmawi Fanai. Chakhlei Lairam ummi kan unau hna nih Lawngtlai District hi Lairam ah nan ruat lo nan palh cikcek. Lawngtlai District cu kan pupa nih hlan liopi ah an rak tlakmi ram a si. Hika hmun le ram vawlei ahhin mizei hmanh nih an rak pal rih lo.

Laimi phun nih kan va tlakmi ram a si. A rak tlatu hna i phun hngalh deuhmi hna cu, Zahau, Hlawnceu, Cinzah, Zaathang, Thihlum, Hnialum, Fambawl, Hlawnching pawl an si. Laimi nih kan lamh hmasami vawlei a si. Asinain vanchiat ah England mirang pawl nih ramri an țhen i, India ram ah kan cang. Miphun unau a simi “Lusei” pawl he State khat ah kan um.

Cucaah, Lawngtlai District cu Laimi phun a simi paohpaoh kan ram a si. Laimi nih Lairam Cozah kan ngeihnak a si. Mahte khuakhan lairelnak kan ngeihnak ram a si. Laimi a simi paoh cu zalong tein tlawnkai khawh a si. Cozah office ah Lai thuam in a t’humi tampi an umnak a si.

Nain, vanchiat ah Lawngtlai ummi Laimi nih kanmah kokek a simi Laiholh Laica kan philh tuk. Ram a chiat ruang ah Khuachak Laimi he kan i pehtlaihnak hri a rak dor. Atu cu kan lung a fim thluahmah cang. Laica zong taang 8 tiang kan cawnter hna. Laiholh Laica kan dawt tuk cang lai kan i hrim ve cang. Laimi kan si ngam tuk cang. Lairam kan ngeih kan i uang tuk cang.

Laimi le Pathian t’hen awk țha lo.Lairam kan dawt lai. Laiholh kan holh lai. Laica kan cawng lai. A liannganmi Lairam kan dirh lai. Miphun zakip nih an kan zoh cho lai. Laimi kan si kan mui ai dawh. Kan ral a țha. Kan Laithuam ai dawh fawn. Lawngtlai Laimi kan si. The Lairam Times

By admin

Leave a Reply

Your email address will not be published. Required fields are marked *