1. A calpalaidar ah khen. Biachim le cațial tik caah chimhhnawh mi le țialhnawh mi muru tinak.
2. A sep na sol lai. Ralrin tein biachim le rianțuan i zuam na palh sual lai tinak.
3. A lettalam Kawlram tlawng. Rian a ningcang ko in țuan tinak.
4. Ar le thlaiberh kawi tlaih in, Saram tuanbia ah ar le thlaiberh an i kawi i an i daw tuk an ti ar nih thlaiberh kha a hmul a țhenh thlaiberh nih ar kha kaite le mupi ral a venpiak ve Cu caah a daw tukmi hawikom le kawidua tinak.
5. Ar-inn Ar chiahnak in siloin hlawhhlangnu umnak inn tinak.
6. Arnak aw Tlanvaal lung vun theihkaa hrawng i aw a kuat lio khi asi tinak.
7. Arnu Arpi tinak siloin hlawhhlangnu tinak.
8. Arpi dekmak sahngar tei lai Arpi nih sahngar tei lai bang a dakhnawh len bantuk in tei lo dingmi minung va tlerhhnawh len tinak.
9. Arthlum ek zat A tlawm te lawng hawi hmuh zat hmanh asi lo tinak.
10. Awlokchon Awlokchon Lungretheih tuk lio i zeihmanh tuah awk hngalh loin um tinak.
11. A buh ah Kawl mum a meh ah cu bak Mum buh cu a thaw ngaingai kan ei mi buh le kan i mehmi aa thleidan lo tiah a kep an ngeih lo caan ah chim tawnmi asi A sullam cu na ruahnak le ka ruahnak aa dang lo tinak.
12. A cawi bal lo khuangcawi in Mi pakhat nih thil pakhat a tuah khawh tikah keimah lawng a tuah khomi ka si ti phun in an i phorhlaw țheo cu tikah an chim tawnmi asi.
Note: Photo muicuang ka vun taarmi kongkau ahhin cun buai tuk awk cu asi lai lo mu hehehe.