Miphun pakhat nih mah hi cu kan mah kan lentecelhnak, kan mah ta “National Sports” timi anei mi hi miphun tampi an um theng lem lai lo dah.
Cu lak ah Chin miphun nih mah hicu kan mah kan lentecelhnak, kan mah ta bak “this is our national sport” tiah ti khawh mi kan nei I mah cu I uan thlar phu ngai asi.
Mah kan neih mi lentecelh nak cu LAI PAIH hi asi.Kan mah bantuk in kan unau Naga miphun hna nih PAIH cu an rak nei ve. Miphun ah unau kan sinak a langh ter tu pakhat asi.
Avoi 12 nak Chin Youth Organization of North America CYO NA ah kan mah Chin miphun lawng silo in Nagaland in PAIH champion Venuzu nih a rak kan tel pi I, international level in avoikhat nak kan ipaih asi caah lunglawmh awk ngaingai asi.
Miphun tthancho le ram sersiam timi hi politics lawng in asi lo.Bia le hla, thuam le thil, nunphung le tuanbia I tthancho hna hi miphun tthancho nak ah a tung tlang an rak si.
Lentecelh nak hrimhrim hi cu miphun a tthangcho deuh mi poh lentecelh nak ah an tthawng deuh mah cu, an ram nunning a tthancho le tthancho lo timi le lentecelh ah an tthawn le tthawn lo he ai peh tlai ngai mi asi.
Chin miphun nih mah hi cu kan mah kan lentecelhnak “National sport” tiah kan ti khawh mi hi kan mah nih tha kan pek I kan tthan cho ter abiapi ngaingai.
Atu tiang ah cun PAIH hi Lai ai timi hna lawng nih kan sunhsak rih mi asi. Mah hi Chin miphun level in kan karh ter I kan tthancho ter hi abiapi ngaingai.