Tutan Chintube nih an tuahmi Lai Idol zuamnak cu tuzan ah minung 30 nih second round an ni zuam tthan lai. Tutan Lai Idol Lawngtlai i an tuahmi hi cu lung a hmui bak ko. A ruang cu kan Lai holh biatak tein in an vung dirkamh nak a si caah a si.
Tutan Lai Idol ai zuammi hna cu a zankhat nak in ka ngaih ve lengmang hna i tuni tiangah pakhatnak a la kho ding dirhmun i ka ruahmi cu Bawi Thiang Bik naupa James Thawng khi asi.
Minung 30 second round ai zuam mi hna cu an thiam lawlaw. Tuzan cu music he an vung sak ruangah maw si zandang nak in cun an thiam in ngaih an hung nuam ngai ngai. Tuzan cu P. Thawng Bawi judge an vun ttuanter mi hrim khi lung hmui tuk.
Tuzan Lairam khualipi Lawngtlai ah Lai Idol hlasa mi hna cu music he an vun sak ahcun an thiam deuh ngai ngai. Zan dang nak in cun ngaih an nuam deuh tuk. An host nu F.Lalramhnaii hrim khi uar um kho tuk.
Thawngpang dang- KNU Humhaknak Chungah SAC Ralhrang Sakhan 60 Leng KNLA Le Ṭangti Phu Nih An Lak. KNU humhaknak hmun ram chungah a um mi SAC ralhrang sakhan 62 cu KNLA le ṭangti phu nih an lak tiah Karen Peace Support Network (KPSN) nih an langh ter.
Hi sakhan an lak mi cu SAC ralhrang nih uknak an lak hnu in 2023 kum cheu chungah a cang mi a si. SAC ralhrang nih hriamngan le raltuknak vanlawng i bochan hmanh hna seh law an sungh cang mi an sakhan cu an la ṭhan kho ti lai lo tiah an langh ter chih.
SAC ralhrang sakhan an lak mi hna hi, Thaton pengkomh ah 17, Taungoo ah 6, Nyaunglepin pengkomh ah 13, Tanintharyi ah 1 ,Hpapon ah 21 le Kyainseikgyi peng ah 5 tiin ralhrang sakhan an piak hna hi a si.
Mah pin ah KNU humhaknak hmun ram ah ralzam minung sing 6 leng an um tiah KPSN nih an langh ter chih. Lungmili Post