Central Lairam, Lawngtlai 2023 Pur 06: Pu V.Zirsanga, CEM, LADC nih LADC Finance Account Department Building Rs, 172.26 lakhs in sakmi inn cu onnak a neih.
Pu V.Zirsang CEM nih ” LADC cozah hmasa nih kan herhhai thei in hram an rak domh LADC Finance & Account Office Building on khawh a si hi lunglawmh awk ngai ngai a si. LADC ah riantuantu kan i chap lengmang bantukin Building le Room hna zong kan herh.
Kan lungduh theihpiak in Revenue Collection le hmundang in chawva hmuhkhawhnak ding lam kan kawl tawn, nihin ah LADC caah Rotling (assets) tha kan hmuh khawh le LADC (Own Revenue Collection) in sakmi Building thar kan ngeih hi thanchonak sunglawi taktak a si.
Hi building sak tlamtlinh a si khawhnak dingah rianțuantu zaanghleicawinak le tax le Revenue komhsuat ah a si khawhchung in tuantu cungah lunglawmh bia ka chim, hi Building saknak hi zapi pekchanhnak in sak a si bantukin zapi ta a si.
LADC nih chawva a ngeih chun cu sunglawi le man ngei in hman a si khawhnak aa zuam lai ” tiah a chim. Hi caan hmannak ahhin Pu H.Lalruatkima, Executive Secretary, LADC nih hruai in Pu V.L.Hmuaka, Chairman, LADC le Pu C .Hrangthianga,Executive member/c Revenue Dept nih lunglawmh biachimnak an ngeih.
Pu C.Malsawmkima Sr.Asst Engineer, LADC nih Technical report a pek. He building hi kum 2018 Hniang thla thawk khan thawk a si i tukum Nohawng thla khan Building sak dih a si i, hi inn hi Rs, 167.44 lakh in sak a si.
Eclectic Wiring le thildang hmannak caah Rs.172.26 lakhs a dih fawn. Pu B.Lalhmingmuana Secretary (Fin) LADC nih lunglawmh biachimnak in caan khar a si. The Lairam Times